വൈ​ദ്യു​തി ഉപഭോഗത്തില്‍ വന്‍ വര്‍ധന; മുഖ്യമന്ത്രി വിളിച്ച ഉന്നതതല യോഗം ഇന്ന്; ദിവസവും100 ദ​ശ​ല​ക്ഷം യൂ​ണിറ്റ് കടക്കുന്നു

തി​രു​വ​ന​ന്ത​പു​രം: സം​സ്ഥാ​ന​ത്ത് വൈ​ദ്യു​തി ഉ​പ​ഭോ​ഗം കു​തി​ച്ചു​യരുന്നു. സാ​ഹ​ച​ര്യം വി​ല​യി​രു​ത്താ​ൻ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഇന്ന് ഉ​ന്ന​ത​ത​ല യോ​ഗം വി​ളി​ച്ചു. വൈ​കു​ന്നേ​രം മൂ​ന്നി​നാ​ണ് യോ​ഗം ചേ​രുന്നത്.

കടുത്ത ചൂടിനെ തുടര്‍ന്ന് വൈ​ദ്യു​തി ഉ​പ​യോ​ഗം ക്രമാതീതമായാണ് കൂടുന്നത്. മിക്ക ജില്ലകളിലും ചൂട് ഇപ്പോള്‍ വളരെ ഉയര്‍ന്ന നിലയിലാണ്. ശരാശരിയില്‍നിന്ന് രണ്ടുമുതല്‍ നാലു ഡിഗ്രിവരെ കൂടുതലാണ്. ചൂട് മറികടക്കാന്‍ എസി ഉപയോഗം കൂട്ടി. ഒപ്പം ഇ-വാഹനങ്ങള്‍ക്കും വൈദ്യുതി വേണം. ഇതാണ് വര്‍ധനവിന് കാരണം. വൈ ദ്യുതിബോര്‍ഡിന്റെ സാമ്പത്തിക പ്രതിസന്ധിയും രൂക്ഷമായിട്ടുണ്ട്.

തുടര്‍ച്ചയായുള്ള ദിവസങ്ങളില്‍ 100 ദ​ശ​ല​ക്ഷം യൂ​ണി​റ്റാണ് കടക്കുന്നത്. ഇത് സ്ഥി​തി ഗു​രു​ത​ര​മാ​കു​മെ​ന്ന മു​ന്ന​റി​യി​പ്പു​ക​ൾ​ക്കി​ട​യി​ലാ​ണ് യോ​ഗം വി​ളി​ച്ചി​രി​ക്കു​ന്നത്.

സം​സ്ഥാ​ന​ത്തെ വൈ​ദ്യു​തി സാ​ഹ​ച​ര്യം രൂ​ക്ഷ​മാ​കു​ന്നു​വെ​ന്ന് കാ​ട്ടി വൈ​ദ്യു​തി മ​ന്ത്രി കെ. ​കൃ​ഷ്ണ​ൻകു​ട്ടി മു​ഖ്യ​മ​ന്ത്രി​ക്ക് ക​ത്ത് ന​ൽ​കു​ക​യും ചെ​യ്തി​രു​ന്നു. ബോര്‍ഡിന് കിട്ടാനുള്ള കുടിശ്ശിക ഏകദേശം 5000 കോടി രൂപയാണ്. ഇതില്‍ 3500 കോടിയും സര്‍ക്കാര്‍-പൊതുമേഖലാ സ്ഥാപനങ്ങള്‍ നല്‍കാനുള്ളതാണ്. കുടിശ്ശിക ഉടന്‍നല്‍കണമെന്ന ബോര്‍ഡിന്റെ ആവശ്യം സര്‍ക്കാര്‍ അംഗീകരിച്ചിട്ടില്ല.