യുഎസില്‍ സൈനിക ഹെലികോപ്റ്ററും യാത്രാവിമാനവും കൂട്ടിയിടിച്ചു; വന്‍ ദുരന്തം; രണ്ട് മൃതദേഹങ്ങള്‍ കണ്ടെടുത്തു
അമേരിക്കയില്‍ സൈനിക ഹെലിക്കോപ്റ്ററും യാത്രാവിമാനവും കൂട്ടിയിടിച്ച് വന്‍ ദുരന്തം. വാഷിങ്ടണ്‍ റീഗണ്‍ നാഷണല്‍ എയര്‍പോര്‍ട്ടിന് സമീപമാണ് അപകടം. വിമാനം ലാന്‍ഡിങ്ങിന് ശ്രമിക്കുന്നതിനിടെയാണ് കൂട്ടിയിടി നടന്നത്. യാത്രാവിമാനം നദിയില്‍ പതിച്ചതായാണ് സൂചന.
കാന്‍സസില്‍ നിന്ന് വാഷിങ്ടണ്‍ റീഗണ്‍ വിമാനത്താവളത്തിലേക്ക് പോകുകയായിരുന്നു വിമാനത്തിൽ 65 യാത്രക്കാരാണ് ഉണ്ടായിരുന്നത്. എത്രപേര്‍ മരണപ്പെട്ടു എന്ന് വ്യക്തതയില്ല. റോയിട്ടേഴ്‌സ് റിപ്പോര്‍ട്ട് അനുസരിച്ച് രണ്ട് മൃതദേഹങ്ങള്‍ കണ്ടെടുത്തിട്ടുണ്ട്. 2009ന് ശേഷം അമേരിക്കയില്‍ ഉണ്ടാകുന്ന വലിയ വിമാനാപകടമാണ് ഇത്.
അമേരിക്കന്‍ എയര്‍ലൈന്‍സ് സിആര്‍ജെ-700 വിമാനവും അമേരിക്കന്‍ സൈന്യത്തിന്റെ ബ്ലാക്ക് ഹോക്ക് ഹെലിക്കോപ്റ്ററും തമ്മില്‍ കൂട്ടിയിടിച്ചതായാണ് അമേരിക്കന്‍ ഫെഡറല്‍ ഏവിയേഷന്‍ അഡ്മിനിസ്‌ട്രേഷന്‍ പ്രസ്താവനയില്‍ അറിയിച്ചത്. വിമാനത്താവളത്തിന് സമീപത്തുള്ള പോടോമാക് നദിയുടെ തീരത്ത് തിരച്ചില്‍ പുരോഗമിക്കുകയാണ്.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
