രാജ്യം 78–ാം സ്വാതന്ത്ര്യ ദിന നിറവിൽ; ചെങ്കോട്ടയില്‍ വര്‍ണശബളമായ ചടങ്ങുകള്‍, കനത്ത സുരക്ഷ

രാ​ജ്യം ഇ​ന്ന് 78–ാം ​സ്വാത​ന്ത്ര്യ ദി​നത്തിലേക്ക്. വര്‍ണശബളമായ ചടങ്ങുകളാണ് ചെങ്കോട്ടയില്‍ നടക്കുന്നത്. പ്ര​ധാ​ന​മ​ന്ത്രി ന​രേ​ന്ദ്ര​ മോ​ദി രാ​വി​ലെ ചെ​ങ്കോ​ട്ട​യി​ൽ ദേ​ശീ​യ​പ​താ​ക ഉ​യ​ർ​ത്തി രാ​ജ്യ​ത്തെ അ​ഭി​സം​ബോ​ധ​ന​ചെ​യ്യും. യുവാക്കള്‍, വിദ്യാര്‍ത്ഥികള്‍, ഗോ​ത്ര​വി​ഭാ​ഗ​ത്തില്‍പ്പെട്ടവര്‍ അടക്കം ആ​റാ​യി​രം പേ​ർ ഇ​ത്ത​വ​ണ ച​ട​ങ്ങു​കളില്‍ വി​ശി​ഷ്ടാ​തി​ഥി​ക​ളാ​യി പ​ങ്കെ​ടു​ക്കും.

ചടങ്ങുകള്‍ക്ക് എത്തുന്ന പ്രധാനമന്ത്രിയെ പ്രതിരോധ മന്ത്രി രാജ്നാഥ് സിങ് സ്വീകരിക്കും. പ്ര​ധാ​ന​മ​ന്ത്രി ദേ​ശീ​യപ​താ​ക ഉ​യ​ർ​ത്തിക്കഴിയുമ്പോള്‍ വ്യോ​മ​സേ​നാ ഹെ​ലി​കോ​പ്റ്റ​റു​ക​ൾ പു​ഷ്പവൃ​ഷ്ടി ന​ട​ത്തും. അതിനുശേഷം ശേഷം പ്രധാനമന്ത്രി രാജ്യത്തെ അഭിസംബോധന ചെയ്യും.

ചെങ്കോട്ടയിലെത്തുന്ന പ്രധാനമന്ത്രി ഗാ​ർ​ഡ് ഓ​ഫ് ഓ​ണ​ർ പ​രി​ശോ​ധി​ക്കും. സ്വാ​ത​ന്ത്ര്യ ദി​ന​ത്തോ​ട​നു​ബ​ന്ധി​ച്ച് ക​ന​ത്ത സു​ര​ക്ഷ​യാ​ണ് ഡ​ൽ​ഹി​യി​ൽ ഒ​രു​ക്കി​യി​രി​ക്കു​ന്ന​ത്. വി​ഐ​പി​ക​ൾ​ക്കും, പ്ര​ധാ​ന​മ​ന്ദി​ര​ങ്ങ​ൾ, ജ​ന​ങ്ങ​ൾ കൂ​ടു​ന്ന സ്ഥ​ല​ങ്ങ​ൾ എ​ന്നി​വി​ട​ങ്ങ​ളി​ലും സു​ര​ക്ഷ ശ​ക്ത​മാ​ക്കി​യി​ട്ടു​ണ്ട്. ജ​മ്മുകശ്മീരില്‍ ​ തു​ട​ർ​ച്ച​യാ​യി ന​ട​ക്കു​ന്ന ഭീ​ക​രാ​ക്ര​മ​ണ​ങ്ങ​ൾ നടക്കുന്നത് കൂടി കണക്കിലെടുത്താണ് സു​ര​ക്ഷ ശ​ക്ത​മാ​ക്കി​യി​രി​ക്കു​ന്ന​ത്.