അർദ്ധനഗ്നയായി ഉറുമ്പരിച്ച നിലയിൽ 19കാരി; പോക്സോ അതിജീവിതയെ ഗുരുതരാവസ്ഥയിൽ കണ്ടെത്തി

ചോറ്റാനിക്കരയിൽ പോക്സോ കേസ് അതിജീവിതയെ വീട്ടിനുള്ളിൽ ഗുരുതരാവസ്ഥയിൽ കണ്ടെത്തി. പത്തൊമ്പതുകാരിയുടെ ആൺ സുഹൃത്തിനെ പോലീസ് അറസ്റ്റ് ചെയ്തിട്ടുണ്ട്. ഇയാള്‍ പെൺകുട്ടിയെ ക്രൂരമായി മർദിച്ചതായാണ് പോലീസ് നല്‍കുന്ന സൂചന. മറ്റേതെങ്കിലും തരത്തിലുള്ള പീഡനത്തിന് യുവതി ഇരയായോ എന്ന് പരിശോധിച്ച് വരികയാണ്.

കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ച യുവതിയുടെ നില ഗുരുതരമായി തുടരുകയാണ്. അർദ്ധനഗ്നയായി അവശനിലയിലാണ് പെൺകുട്ടിയെ കണ്ടെത്തുന്നത്. കഴുത്തിൽ കയർ മുറുകിയ പരിക്കും കൈയിലേറ്റ മുറിവിൽ ഉറുമ്പരിച്ച നിലിയിലുമാണ് പെൺകുട്ടിയെ കണ്ടെത്തുന്നത്.

ഇവർ ദത്തുപുത്രിയാണെന്നാണ് പ്രദേശവാസികൾ നൽകുന്ന സൂചനകൾ. മാതാപിതാക്കൾ വീട്ടിലുണ്ടാകാത്തതിനാൽ പെൺകുട്ടി മിക്ക സമയത്തും ഒറ്റക്കായിരിക്കുമെന്നും നാട്ടുകാരും പോലീസും പറയുന്നു..