ആപ്പിലൂടെ പരിചയപ്പെട്ട് പീഡനം; വനിതാ ഡോക്ടറുടെ പരാതിയിൽ പോലീസുകാരൻ അറസ്റ്റിൽ

എറണാകുളം സ്വദേശിയായ വനിതാ ഡോക്ടറെ തിരുവനന്തപുരത്ത് എത്തിച്ച് പീഡിപ്പിച്ചുവെന്ന് പോലീസ് ഉദ്യോഗസ്ഥനെതിരെ കേസ്. കിളിമാനൂർ വെള്ളല്ലൂർ സ്വദേശി വിജയിനെ തമ്പാനൂർ പോലീസ് അറസ്റ്റ്‌ ചെയ്തു.

പോലീസുകാരനും വനിത ഡോക്ടറും തമ്മിൽ പരിചയപ്പെടുന്നത് ‘ബംബിൾ’ ഡേറ്റിം​ഗ് ആപ്പിലൂടെയാണ്. തുടർന്ന് പരിചയപ്പെടാൻ എന്ന പേരിൽ വിളിച്ചുവരുത്തി തമ്പാനൂരിലെ ലോഡ്ജിൽ കൊണ്ടു വന്നു പീഡിപ്പിച്ചു എന്നാണ് കേസ്.

തിരുവനന്തപുരം സിറ്റി എആർ ക്യാമ്പിലെ പോലീസുകാരനാണ് വിജയ്. ഡോക്ടറുടെ പരാതിയിൽ തമ്പാനൂർ പൊലീസാണ് കേസെടുത്തത്. പ്രാഥമിക അന്വേഷണത്തിൽ പരാതിയിൽ കഴമ്പുണ്ടെന്ന് കണ്ടെത്തിയെന്നാണ് വിശദീകരണം.