ഡ്യൂട്ടിക്കിടെ അപകടത്തിൽ പോലീസ് ഉദ്യോഗസ്ഥൻ മരിച്ചു; അപകടത്തിൽപെട്ടത് തിരുവനന്തപുരം സിറ്റിയിലെ കൺട്രോൾ റൂം വാഹനം; രണ്ടു പേർക്ക് പരിക്ക്

തിരുവനന്തപുരം: കൺട്രോൾ റൂം വാഹനം പോസ്റ്റിൽ ഇടിച്ചു ഡ്യൂട്ടിയിൽ ഉണ്ടായിരുന്ന പോലീസുകാരൻ മരിച്ചു. കൺട്രോൾ റൂമിലെ പോലീസ് ഉദ്യോഗസ്ഥൻ അജയകുമാറാണ് മരിച്ചത്. ഇന്ന് രാവിലെ അഞ്ചുമണിയോടെ എ കെ ജി സെന്ററിന് സമീപം വെച്ചാണ് അപകടം നടന്നത്. പോലീസ് ജീപ്പിന്റെ പുറകിലായിരുന്നു അജയകുമാർ ഇരുന്നത്. ഇടിയുടെ ആഘാതത്തിൽ പുറത്തേക്ക് തെറിച്ചു വീഴുകയായിരുന്നു. വാഹനത്തിലുണ്ടായിരുന്ന മറ്റു രണ്ടു പോലീസുകാർക്കും പരിക്കേറ്റിട്ടുണ്ട്. ഇവർ മെഡിക്കൽ കോളേജ് ആശുപത്രിയിൽ ചികിത്സയിലാണ്.