ഗുരുവായൂരിലെ നിവേദ്യത്തില്‍ പവര്‍ ബാങ്ക്; ഞെട്ടലില്‍ ദേവസ്വം; പുണ്യാഹം നടത്തി

ഗു​രു​വാ​യൂ​ർ ക്ഷേ​ത്രത്തിലെ നിവേദ്യത്തില്‍ പവര്‍ ബാങ്ക്. ശ്രീ​കോ​വി​ലി​നു​ള്ളി​ൽ നി​ന്നും പൂ​ജി​ച്ചു പു​റ​ത്തെ​ത്തി​ച്ച നി​വേ​ദ്യ​ത്തി​ലാണ് പവര്‍ ബാങ്ക് കണ്ടത്. തു​ട​ർ​ന്ന് ക്ഷേ​ത്ര​ത്തി​ൽ പു​ണ്യാ​ഹം ന​ട​ത്തി. സംഭവം ദേവസ്വം അധികൃതരെയും ഭക്തരെയും ഒരുപോലെ ഞെട്ടിച്ചിട്ടുണ്ട്.

നി​വേ​ദ്യ​ത്തി​ൽ പൂ​ജാ​യോ​ഗ്യ​മ​ല്ലാ​ത്ത വ​സ്തു ക​ണ്ടെ​തോടെയാണ് പു​ണ്യാ​ഹം ന​ട​ത്തി​യ​ത്. ക്ഷേ​ത്ര​ത്തിനു​ള്ളി​ലേ​ക്ക് ഇ​ല​ക്ട്രോ​ണി​ക് ഉ​പ​ക​ര​ണ​ങ്ങ​ൾ കൊ​ണ്ടു​പോ​കു​ന്ന​തി​ന് വി​ല​ക്കു​ണ്ട്. ഇ​ത് ഉ​റ​പ്പു​വ​രു​ത്തു​ന്ന​തി​നാ​യി മെ​റ്റ​ൽ ഡി​റ്റ​ക്ട​റി​ലൂ​ടെ​യാ​ണ് ഭ​ക്ത​ർ​ക്ക് ഉ​ൾ​പ്പെ​ടെ പ്ര​വേ​ശ​നം. എന്നിട്ടും പവര്‍ ബാങ്ക് അകത്തെത്തി. നിവേദ്യത്തില്‍ നിന്നും കണ്ടെത്തുകയും ചെയ്തു. ഇതാണ് ആശങ്ക സൃഷ്ടിക്കുന്നത്.

പവര്‍ ബാങ്ക് കണ്ടതില്‍ ഗുരുവായൂര്‍ ദേ​വ​സ്വം പൊലീസില്‍ പരാതി നല്‍കിയിട്ടുണ്ട്. ഇതിനെ തുടര്‍ന്ന് അന്വേഷണം നടക്കുകയാണ്.