ഗർഭിണിക്ക് രക്തം മാറി നൽകി, തൃശൂർ ഡിഎംഒ റിപ്പോർട്ട് തേടി

മലപ്പുറം: പൊന്നാനി മാതൃശിശു ആശുപത്രിയിൽ ​ഗർഭിണിയായ യുവതിക്ക് രക്തം മാറി നൽകി. വെളിയങ്കോട് സ്വദേശി റുക്‌സാന(26)ക്കാണ് ഒ നെഗറ്റീവ് ഗ്രൂപ്പ് രക്തത്തിന് പകരം ബി പോസിറ്റീവ് രക്തംനൽകിയത്. ഇതേ തുടർന്ന് ദേഹാസ്വാസ്ഥ്യം നേരിട്ട ഗർഭിണിയെ തൃശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. സംഭവത്തിൽ തൃശൂർ ഡിഎംഒ റിപ്പോർട്ട് തേടിയിട്ടുണ്ട്.