പ്രിയങ്ക ഇന്നും നാളെയും വയനാട്ടില്‍; നിരവധി സ്വീകരണ യോഗങ്ങളില്‍ പങ്കെടുക്കും

വയനാട് ഉപതിരഞ്ഞെടുപ്പിൽ റെക്കോര്‍ഡ് ഭൂരിപക്ഷത്തിൽ വിജയിച്ച പ്രിയങ്ക ഗാന്ധി ഇന്ന് മണ്ഡലത്തിൽ എത്തും. പ്രതിപക്ഷ നേതാവ് രാഹുല്‍ ഗാന്ധിക്ക് ഒപ്പമാണ് പ്രിയങ്ക എത്തുക.

രണ്ട് ദിവസം പ്രിയങ്ക വയനാട് ഉണ്ടാകും. ഇന്ന് മലപ്പുറം ജില്ലയിലെ സ്ഥലങ്ങളിലായിരിക്കും പ്രിയങ്ക സന്ദർശനം നടത്തുന്നത്.നാളെ വയനാട് ജില്ലയിലും സന്ദർശനം നടത്തും. മുക്കം, തിരുവമ്പാടി, കരുളായി, വണ്ടൂർ, എടവണ്ണ എന്നിവിടങ്ങളിലെ സ്വീകരണത്തിലും പൊതുസമ്മേളനത്തിലും പ്രിയങ്ക പങ്കെടുക്കും.

കേരളത്തിൽ നിന്നുളള ഏക വനിതാ എംപിയായ പ്രിയങ്ക ഇന്നലെയാണ് എംപിയായി പാര്‍ലമെന്റില്‍ സത്യപ്രതിജ്ഞ ചെയ്തത്.കേരളീയ വേഷത്തില്‍ കസവ് സാരി അണിഞ്ഞാണ് പ്രിയങ്ക ചടങ്ങിനെത്തിയത്.