പുതുപ്പള്ളിയിൽ ഇത്തവണ അപരന്മാരില്ല

പുതുപ്പള്ളി ഉപതെരഞ്ഞെടുപ്പിൽ ഇത്തവണ അപര സാന്നിധ്യമില്ല. നാമനിർദേശ പത്രികളുടെ സൂക്ഷ്മ പരിശോധനയിൽ ഏഴു സ്ഥാനാർഥികളുടെ പത്രിക അംഗീകരിച്ചു. മൂന്നു പത്രികകൾ നിരസിച്ചു.

ചാണ്ടി ഉമ്മൻ, ജെയ്ക് സി തോമസ്, ജി. ലിജിൻ ലാൽ, സന്തോഷ് ജോസഫ് , ലൂക്ക് തോമസ്, ഷാജി, പി.കെ. ദേവദാസ് എന്നിവരുടെ പത്രികളാണ് സ്വീകരിച്ചത്. ഡോ. കെ. പദ്മരാജൻ, മഞ്ജു എസ്. നായർ , റെജി സഖറിയ എന്നിവരുടെ പത്രികകൾ നിരസിച്ചു.

പ്രമുഖ സ്ഥാനാര്‍ഥികളുടെ പേരിനോട് സാമ്യമുള്ള ആരും മത്സരരംഗത്ത് ഇല്ലെന്നത് ശ്രദ്ധേയമാണ്. 21നാണ് പത്രിക പിന്‍വലിക്കാനുള്ള അവസാന തീയതി.