ഇന്ത്യയെ തകർത്ത് ഖത്തർ

ഭൂവനേശ്വര്‍: ഒഡീഷയിലെ കലിംഗ സ്‌റ്റേഡിയത്തിൽ നടന്ന ലോകകപ്പ് യോഗ്യത റൗണ്ടില്‍ ഇന്ത്യയെ തകർത്ത് ഖത്തര്‍. ഏകപക്ഷീയമായ മൂന്ന് ഗോളിനാണ് ഖത്തറിൻ്റെ വിജയം. നാലാം മിനിറ്റില്‍ മുസ്തഫ താരീഖാണ് ആദ്യ ഗോൾ നേടിയത്. നാൽപ്പത്തിയേഴാം മിനിട്ടിൽ അമോസ് അലി നേടിയ ഗോളിലൂടെ ടീം ലീഡുയർത്തി. എണ്‍പത്തിയേഴാം മിനിറ്റില്‍ യൂസഫ് അബ്ദുറിസാഗാണ് മൂന്നാം തവണ ഇന്ത്യന്‍ ഗോള്‍വല കുലുക്കിയത്.

യോഗ്യതാ റൗണ്ടിലെ എവേ മത്സരത്തില്‍ കുവൈറ്റിനെതിരെ ഏകപക്ഷീയ ഒരു ഗോളിന് ഇന്ത്യ ജയിച്ചിരുന്നു. അഫ്ഗാനിസ്താനെ സ്വന്തം നാട്ടിൽ 8-1ന് തകര്‍ത്താണ് ഏഷ്യൻ ചാമ്പ്യൻമാരായ ഖത്തർ ഇന്ത്യയിലേക്ക് വണ്ടി കയറിയത്.

ഇന്ത്യ,കുവൈറ്റ്, അഫ്ഗാനിസ്ഥാൻ, ഖത്തർ എന്നിവരടങ്ങുന്ന ഗ്രൂപ്പ് എയിൽ രണ്ട് വിജയവുമായി ഒന്നാം സ്ഥാനത്താണ് ഖത്തർ. രണ്ട് മത്സരങ്ങളിൽ നിന്നും ഒരു വിജയവുമായി ഇന്ത്യ രണ്ടാം സ്ഥാനത്താണ്. ഗ്രൂപ്പിലെ ആദ്യ സ്ഥാനത്തെത്തുന്ന രണ്ട് ടീമുകളാണ് യോഗ്യതാ റൗണ്ടിലെ അടുത്ത ഘട്ടത്തിലേക്ക് കടക്കുന്നത്.