‘എന്റെ സഹോദരിയേക്കാള്‍ മികച്ച സ്ഥാനാര്‍ത്ഥിയില്ല’; വയനാട്ടുകാര്‍ക്കായി വൈകാരികമായ കുറിപ്പ് പങ്കുവച്ച് രാഹുല്‍ഗാന്ധി
പ്രിയങ്കഗാന്ധിയേക്കാള്‍ മികച്ച സ്ഥാനാര്‍ത്ഥിയെ കുറിച്ച് വയനാട്ടില്‍ സങ്കല്‍പ്പിക്കാന്‍ പോലും കഴിയില്ലെന്ന് രാഹുല്‍ ഗാന്ധി. കന്നി തിരഞ്ഞെടുപ്പ് മത്സരത്തിന് പ്രിയങ്ക ഗാന്ധി നാളെ നാമനിര്‍ദ്ദേശ പത്രിക സമര്‍ക്കുന്നതിന് മുന്നോടിയായിട്ടാണ് രാഹുലിന്റെ വൈകാരികമായ എക്‌സ് പോസ്റ്റ്.
വയനാട്ടുകാര്‍ക്ക് തന്റെ ഹൃദയത്തില്‍ പ്രത്യേക സ്ഥാനമാണുള്ളത്. അവര്‍ക്ക് തന്റെ സഹോദരി പ്രിയങ്കയെക്കാള്‍ മികച്ചൊരു സ്ഥാനാര്‍ത്ഥിയെ കുറിച്ച് സങ്കല്‍പ്പിക്കാന്‍ പോലുംകഴിയുന്നില്ല. വയനാട്ടുകാരുടെ എല്ലാ ആവശ്യങ്ങള്‍ക്ക് വേണ്ടിയും പ്രിയങ്ക ശക്തമായി പോരാടുമെന്ന ആത്മവിശ്വാസമുണ്ട്. പാര്‍ലമെന്റിലെ വയനാടിന്റെ ശക്തമായ ശബ്ദമായി തന്നെ പ്രിയങ്ക മാറുമെന്നും രാഹുല്‍ കുറിച്ചു
പ്രിയങ്കയുടെ നാമനിര്‍ദേശ പത്രിക സമര്‍പ്പണത്തില്‍ എല്ലാവരേയും ക്ഷണിക്കുകയും ചെയ്തിട്ടുണ്ട്. പ്രിയങ്ക ഗാന്ധിയും രാഹുല്‍ ഗാന്ധിയും ഉടന്‍ വയനാട്ടില്‍ എത്തും. േെസാണിയ ഗാന്ധിയും കോണ്‍ഗ്രസ് അധ്യക്ഷന്‍ മല്ലികാര്‍ജുന്‍ ഖര്‍ഗയും നാളെ കല്‍പ്പറ്റയിലെത്തും. സംസ്ഥാന നേതാക്കളെ അടക്കം പങ്കെടുപ്പിച്ച് വമ്പന്‍ റോഡ്‌ഷോയോടെ പത്രിക സമര്‍പ്പിക്കാനാണ് കോണ്‍ഗ്രസ് തീരുമാനം.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
