മഴ കനത്തേക്കും; കടലാക്രമണത്തിനും സാധ്യത; വരുന്ന മൂന്ന് ദിവസങ്ങളില്‍ ജാഗ്രതാ നിര്‍ദ്ദേശം

തി​രു​വ​ന​ന്ത​പു​രം: അടുത്ത മൂന്ന് ദിവസങ്ങളില്‍ കേരളത്തില്‍ മഴക്ക് സാധ്യതയെന്ന് കേ​ന്ദ്ര കാ​ലാ​വ​സ്ഥ വ​കു​പ്പ്. കേ​ര​ള തീ​ര​ത്തും തെ​ക്ക​ന്‍ ത​മി​ഴ്നാ​ട് തീ​ര​ത്തും ഇന്ന് രാ​ത്രി മു​ത​ല്‍ ഉ​യ​ര്‍​ന്ന തി​ര​മാ​ല​യ്ക്കും ക​ട​ലാ​ക്ര​മ​ണ​ത്തി​നും സാ​ധ്യ​ത​യുണ്ട്. മ​ത്സ്യ​ത്തൊ​ഴി​ലാ​ളി​ക​ളും തീ​ര​ദേ​ശ​വാ​സി​ക​ളും ജാ​ഗ്ര​ത പാ​ലി​ക്കാ​നും നി​ര്‍​ദ്ദേ​ശി​ച്ചി​ട്ടു​ണ്ട്. കിഴക്കന്‍ കാറ്റിന്റെ സ്വാധീനത്തിലാണ് കാലാവസ്ഥാ മാറ്റം.

ക​ട​ല്‍​ക്ഷോ​ഭം രൂ​ക്ഷ​മാ​കാ​ന്‍ സാ​ധ്യ​ത​യു​ള്ള​തി​നാ​ല്‍ അ​പ​ക​ട മേ​ഖ​ല​ക​ളി​ല്‍ നി​ന്ന് അ​ധി​കൃ​ത​രു​ടെ നി​ര്‍​ദേ​ശാ​നു​സ​ര​ണം മാ​റി താ​മ​സി​ക്ക​ണം. മ​ല്‍​സ്യ​ബ​ന്ധ​ന യാ​ന​ങ്ങ​ള്‍ ഹാ​ര്‍​ബ​റി​ല്‍ സു​ര​ക്ഷി​ത​മാ​യി സൂ​ക്ഷി​ക്കു​ക.

വ​ള്ള​ങ്ങ​ള്‍ ത​മ്മി​ലുള്ള കൂട്ടിയിടി ഒ​ഴി​വാ​ക്കി സുരക്ഷ ഉറപ്പ് വരുത്തണം. ബീ​ച്ചി​ലേ​ക്കു​ള്ള യാ​ത്ര​ക​ളും ക​ട​ലി​ല്‍ ഇ​റ​ങ്ങി​യു​ള്ള വി​നോ​ദ​ങ്ങ​ളും പൂ​ര്‍​ണ​മാ​യും ഒ​ഴി​വാ​ക്കു​ക എന്നീ നിര്‍ദ്ദേശങ്ങളാണ് നല്‍കിയിട്ടുള്ളത്.