സി​ദ്ദി​ഖി​ന്‍റെ മുൻ​കൂ​ർ ജാ​മ്യാ​പേ​ക്ഷ ഇ​ന്ന് പ​രി​ഗ​ണി​ക്കും; ഇരുപക്ഷത്തിന് വേണ്ടിയും മുതിര്‍ന്ന അഭിഭാഷകര്‍

യുവനടിയെ ബ​ലാ​ത്സം​ഗം ചെയ്തുവെന്ന കേസില്‍ ന​ട​ൻ സി​ദ്ദി​ഖി​ന്‍റെ മുൻ​കൂ​ർ ജാ​മ്യാ​പേ​ക്ഷ സു​പ്രീം​ കോ​ട​തി ഇ​ന്ന് പ​രി​ഗ​ണി​ക്കും. ജ​സ്റ്റി​സ് ബേ​ല എം ​ത്രി​വേ​ദി, സ​തീ​ഷ് ച​ന്ദ്ര ശ​ർ​മ്മ എ​ന്നി​വ​ര​ട​ങ്ങി​യ ബെ​ഞ്ചാ​ണ് ഹ​ർ​ജി പ​രി​ഗ​ണി​ക്കു​ക. അ​ഡീ​ഷ​ണ​ൽ സോ​ളി​സി​റ്റ​ർ ജ​ന​റ​ൽ ഐ​ശ്വ​ര്യ ഭാ​ട്ടി സം​സ്ഥാ​ന​ത്തി​നാ​യി ഹാ​ജ​രാ​കും.

അതേസമയം സു​പ്രീം ​കോ​ട​തി മു​ന്‍​കൂ​ര്‍ ജാ​മ്യ​പേ​ക്ഷ ത​ള്ളി​യാ​ല്‍ പ്ര​ത്യേ​ക അ​ന്വേ​ഷ​ണ​സം​ഘ​ത്തി​ന് മു​ന്നി​ല്‍ ന​ട​ന്‍ സി​ദ്ദി​ഖ് കീ​ഴ​ട​ങ്ങു​മെ​ന്നാ​ണ് സൂ​ച​ന.​ തി​രു​വ​ന​ന്ത​പു​ര​ത്തെ​ത്തി കീ​ഴ​ട​ങ്ങു​മെ​ന്നാ​ണ് വി​വ​രം. മാ​ധ്യ​മ​ങ്ങ​ളെ ഒ​ഴി​വാ​ക്കി​യു​ള്ള ര​ഹ​സ്യ നീ​ക്ക​ത്തി​നാ​ണ് ശ്ര​മം.

മു​തി​ർ​ന്ന അ​ഭി​ഭാ​ഷ​ക​ൻ മുകുൾ റോഹത്ഗിയാണ് ഇന്ന് സി​ദ്ദി​ഖി​നാ​യി ഹാ​ജ​രാ​കു​ന്ന​ത്. ത​നി​ക്കെ​തി​രാ​യ കേ​സി​ൽ ഗൂ​ഢാ​ലോ​ച​ന​യു​ണ്ടെ​ന്നാ​ണ് സി​ദ്ദി​ഖി​ന്‍റെ വാ​ദം. നടൻ നിയമത്തെ വെല്ലുവിളിക്കുകയാണെന്ന് ചൂണ്ടിക്കാണിച്ച് സർക്കാർ സുപ്രീം കോടതിയിൽ സത്യവാങ്മൂലം നൽകിയിട്ടുണ്ട്.

ഇതിനിടെ ജാമ്യാപേക്ഷയ്ക്ക് എതിരെ ഒരു തടസ്സ ഹർജി കൂടി കോടതിയില്‍ എത്തിയിട്ടുണ്ട്. പൊതു പ്രവർത്തകനായ നവാസാണ് ഹര്‍ജി നല്‍കിയത്. ബലാത്സം​ഗക്കേസിൽ ഹൈക്കോടതി മുൻകൂർ ജാമ്യം തള്ളിയതോടെ സിദ്ദിഖ് ഒളിവിലാണ്. പോലീസ് ലുക്ക് ഔട്ട് നോട്ടീസ് പുറത്തിറക്കിയിട്ടുണ്ട്.