അശ്വിനി കുമാർ വധത്തില്‍ പ്രതി മഷ്റൂഖിന് ജീവപര്യന്തം തടവും 50000 രൂപ പിഴയും; വെറുതെ വിട്ടത് 13 പ്രതികളെ

ആർഎസ്എസ് കണ്ണൂർ ജില്ലാ ബൗദ്ധിക് ശിക്ഷൺ പ്രമുഖ് പുന്നാട് അശ്വിനി കുമാറിനെ കൊലപ്പെടുത്തിയ കേസിലെ പ്രതിയായ ചാവശ്ശേരി സ്വദേശി മഷ്റൂഖിന് ജീവപര്യന്തം തടവും 50000 രൂപ പിഴയും വിധിച്ചു. തലശേരി അഡീഷനൽ സെഷന്‍സ് കോടതിയാണ് വിധി പറഞ്ഞത്. കേസിലെ 13 പ്രതികളെയും കോടതി വെറുതെ വിട്ടിരുന്നു.

എൻഡിഎഫ് പ്രവർത്തകരായ 14 പേരാണ് പ്രതികൾ. ചാവശ്ശേരി സ്വദേശി മഷ്റൂഖ് മാത്രമാണ് കുറ്റക്കാരന്‍ എന്നാണ് കോടതി വിധിച്ചത്. ഇയാള്‍ക്കുള്ള ശിക്ഷയാണ് വിധിച്ചത്. വിധിക്കെതിരെ അപ്പീല്‍ പോകുമെന്ന് പ്രോസിക്യൂഷന്‍ അറിയിച്ചിരുന്നു.

Also Read: അശ്വിനി കുമാർ വധക്കേസില്‍ മൂന്നാം പ്രതി കുറ്റക്കാരന്‍; 13 പ്രതികളെ വെറുതെ വിട്ടു

2005 മാർച്ച് പത്തിന് ആണ് അശ്വനികുമാര്‍ വധിക്കപ്പെട്ടത്. പേരാവൂരിലേക്കു പോകുമ്പോള്‍ ഇരിട്ടിയില്‍ ബസിനുള്ളിൽവച്ചാണ് വെട്ടിക്കൊലപ്പെടുത്തിയത്. പ്ര​തി​ക​ളി​ൽ നാ​ലു​പേ​ർ ബ​സി​നു​ള്ളി​ലുണ്ടായിരുന്നു. മ​റ്റു​ള്ള​വ​ർ ജീ​പ്പി​ലും എത്തിയാണ് കൊ​ല ന​ട​ത്തി​യ​ത്. വാ​ളു​കൊ​ണ്ടു വെ​ട്ടി​യും കുത്തിയുമാണ് കൊ​ല​പ്പെ​ടു​ത്തി​യ​തെ​ന്ന് കു​റ്റ​പ​ത്ര​ത്തി​ൽ പ​റ​യു​ന്നു.

ഒ​ന്നു​മു​ത​ൽ ഒ​ൻ​പ​തു​വ​രെ​യു​ള്ള പ്ര​തി​ക​ൾ​ക്കെ​തി​രേ കൊ​ല​ക്കു​റ്റ​മാണ് ചുമത്തിയത്. 10 മു​ത​ൽ 13 വ​രെ പ്ര​തി​ക​ൾ​ക്കെ​തി​രേ ഗൂ​ഢാ​ലോ​ച​ന കു​റ്റ​വും 13, 14 പ്ര​തി​ക​ൾ​ക്കെ​തി​രേ ബോം​ബ് എ​ത്തി​ച്ചു​ന​ൽ​കി​യ​തു​ൾ​പ്പെ​ടെ​യു​ള്ള കു​റ്റ​വു​മാ​ണ് ചു​മ​ത്തി​യി​ട്ടു​ള്ള​ത്. മാ​വി​ല വീ​ട്ടി​ൽ ല​ക്ഷ്മ​ണ​ന്‍റെ പ​രാ​തി പ്ര​കാ​ര​മാ​ണ് പോ​ലീ​സ് കേ​സെ​ടു​ത്ത​ത്.