സ്‌കോട്ട്‌ലന്‍ഡ്‌ നദിയില്‍ മലയാളി വിദ്യാർത്ഥിനിയുടെ മൃതദേഹം; പൊലിഞ്ഞത് സാന്ദ്ര സാജുവിന്റെ ജീവന്‍

കേരളത്തിൽ നിന്നുള്ള 22കാരിയായ സാന്ദ്ര എലിസബത്ത് സാജുവിന്റെ മൃതദേഹം സ്‌കോട്ട്‌ലന്‍ഡിലെ ആല്‍മോണ്ട് നദിയില്‍ കണ്ടെത്തി.

എഡിൻബറോയിലെ ഹെരിയറ്റ്-വാട്ട് സർവകലാശാല വിദ്യാര്‍ത്ഥിയായിരുന്ന സാന്ദ്രയെ ഡിസംബർ 6 മുതലാണ് കാണാതായത്. ലിവിംഗ്സ്റ്റണിലെ ഒരു സ്റ്റോറിൽ കറുത്ത മുഖംമൂടിയും കറുത്ത കോട്ടും ധരിച്ചാണ് അവസാനം കണ്ടത്.

മരണത്തിൽ ദുരൂഹതയില്ലെന്നാണ് പോലീസ് നിഗമനം. സാന്ദ്രയുടെ തിരോധാനം കുടുംബാംഗങ്ങളെയും സുഹൃത്തുക്കളെയും ആശങ്കാകുലരാക്കിയിരുന്നു. സാന്ദ്രയ്ക്ക് എന്ത് സംഭവിച്ചു എന്ന അന്വേഷണത്തിന് ഒടുവിലാണ് മൃതദേഹം നദിയില്‍ കണ്ടത്.