മുതിര്‍ന്ന മാധ്യമ പ്രവര്‍ത്തകന്‍ പി.അരവിന്ദാക്ഷന്‍ അന്തരിച്ചു

തൃശൂര്‍ : മുതിര്‍ന്ന മാധ്യമ പ്രവര്‍ത്തകന്‍ പി.അരവിന്ദാക്ഷന്‍ അന്തരിച്ചു. തൃശൂര്‍ പെരുവനത്തിലെ വീട്ടിലായിരുന്നു അന്ത്യം. മലയാള മനോരമ മുന്‍ റസിഡന്റ് എഡിറ്ററായിരുന്നു. 1960ല്‍ ഇന്ത്യന്‍ എക്‌സ്പ്രസിലൂടെയായിരുന്നു അരവിന്ദാക്ഷന്‍ പത്രപ്രവര്‍ത്തന രംഗത്തെത്തിയത്. 1982ല്‍ മനോരമയുടെ ഭാഗമായി. തിരുവനന്തപുരം പ്രസ് ക്ലബ് മുന്‍ പ്രസിഡന്റായിരുന്നു. രാധയാണ് ഭാര്യ. മനോരമ കോഴിക്കോട് ബ്യൂറോ ചീഫ് ജയന്‍ മേനോന്‍, രാമചന്ദ്രന്‍, മിനി എന്നിവര്‍ മക്കളാണ്.