‘പാ​പം ചെ​യ്യാ​ത്ത​വ​ർ ക​ല്ലെ​റി​യ​ട്ടെ’ പീഡന ആരോപണത്തില്‍ പ്രതികരണവുമായി ജയസൂര്യ

നടിമാര്‍ ഉന്നയിച്ച പീ​ഡ​നാ​രോ​പ​ണ​ങ്ങളില്‍ പ്രതികരണവുമായി ന​ട​ൻ ജ​യ​സൂ​ര്യ. ആരോപണങ്ങള്‍ തന്നെ വ്യക്തിപരമായി തകര്‍ത്തു എന്നാണ് ജയസൂര്യ ഫെയ്സ്ബുക്ക്‌ പോസ്റ്റില്‍ വ്യക്തമാക്കുന്നത്. കഴിഞ്ഞ ഒരുമാസമായി അമേരിക്കയിലാണ്. ഇവിടെ ഉള്ളപ്പോഴാണ് ആരോപണങ്ങള്‍ വന്നത്. അത് തന്നെ ത​ക​ർ​ത്തു​വെ​ന്നും കു​ടും​ബാം​ഗ​ങ്ങ​ളെ ദു​ഖ​ത്തി​ലാ​ഴ്ത്തി​യെ​ന്നും ജയസൂര്യ വ്യക്തമാക്കുന്നു.

“തനിക്ക് നേരെ ഉയര്‍ന്നത് വ്യാജ പീഡന ആരോപണങ്ങളാണ്. തന്നെ ചേര്‍ത്ത് നിര്‍ത്തിയ ഓരോരുത്തര്‍ക്കും അത് വല്ലാത്തൊരു മുറിവും വേദനയുമായി. പീഡനം പോലെ വേദനാജനകമാണ് വ്യാജ പീഡനാരോപണം നേരിടേണ്ടി വരുന്നതും എന്ന് ഓര്‍ക്കുന്നത് നന്ന്. ഇന്ന് എന്‍റെ ജന്മദിനമാണ്. ഈ ജന്മദിനം ഏറ്റവും ദുഖപൂര്‍ണ്ണമാക്കിയതിനും അതില്‍ പങ്കാളികളായവര്‍ക്കും നന്ദി. സത്യം ചെരിപ്പ് ധരിക്കുമ്പോഴേയ്ക്കും നുണ ലോകസഞ്ചാരം പൂര്‍ത്തിയാക്കിയിരിക്കും എന്നാണല്ലോ.എങ്കിലും അന്തിമവിജയം സത്യത്തിനായിരിക്കും എന്നത് സുനിശ്ചിതമാണ്. നി​ര​പ​രാ​ധി​ത്വം തെ​ളി​യി​ക്കാ​ൻ നി​യ​മ​പോ​രാ​ട്ടം തു​ട​രും. നീ​തി​ന്യാ​യ വ്യ​വ​സ്ഥി​തി​യി​ൽ പൂ​ർ​ണ​മാ​യും വി​ശ്വാ​സ​മുണ്ട്. പാ​പം ചെ​യ്യാ​ത്ത​വ​ർ ക​ല്ലെ​റി​യ​ട്ടെ, പാ​പി​ക​ളു​ടെ നേ​രെ മാ​ത്രം” എ​ന്ന് പറഞ്ഞാണ് ജ​യ​സൂ​ര്യ വി​ശ​ദീ​ക​ര​ണ കു​റി​പ്പ് അ​വ​സാ​നി​പ്പി​ക്കു​ന്ന​ത്.

രണ്ട് പീഡന ആരോപണങ്ങളിലാണ് ജയസൂര്യക്ക് എതിരെ പോലീസ് കേസ് എടുത്തിരിക്കുന്നത്. സെക്രട്ടേറിയറ്റിലെ സിനിമ ചിത്രീകരണത്തിനിടെ ശുചിമുറിയുടെ സമീപത്തുവച്ച് കടന്നുപിടിച്ച് ലൈംഗികമായി അതിക്രമം നടത്തി എന്നതാണ് ഒരു കേസ്. ഈ കേസില്‍ തിരുവനന്തപുരം കന്റോൺമെന്റ് പൊലീസ് ജാമ്യമില്ലാ വകുപ്പുകൾ പ്രകാരമാണ് കേസെടുത്തത്. ഐപിസി 354, 354 A, 509 എന്നീ വകുപ്പുകളാണ് ചുമത്തിയിരിക്കുന്നത്. തൊടുപുഴയിലെ ലൊക്കേഷനില്‍ വെച്ച് നടിക്കുനേരെ ലൈംഗികാതിക്രമം നടത്തിയെന്ന പരാതിയിലാണ് രണ്ടാമത്തെ കേസ്. തിരുവനന്തപുരത്തെ നടിയുടെ പരാതിയില്‍ കരമന പോലീസാണ് കേസ് എടുത്തത്. തൊടുപുഴ പോലീസിനു കേസ് കൈമാറിയിട്ടുണ്ട്.