എത്തിയത് സ്കൂളിലെ ലിഫ്റ്റ്‌ നന്നാക്കാന്‍; പീഡിപ്പിച്ചത് മൂന്ന് പെണ്‍കുട്ടികളെ; ടെക്‌നീഷ്യന്‍ അറസ്റ്റില്‍

മുംബൈയില്‍ സ്കൂള്‍ കുട്ടികളെ പീഡിപ്പിച്ച ലിഫ്റ്റ്‌ ടെക്നീഷ്യന്‍ അറസ്റ്റിലായി. മൂന്ന് പെണ്‍കുട്ടികളെയാണ് ചുരുങ്ങിയ സമയത്തിനുള്ളില്‍ ഇയാള്‍ പീഡിപ്പിച്ചത്. പ്രതിയെ മുംബൈ പോലീസ് അറസ്റ്റ് ചെയ്തിട്ടുണ്ട്. സ്കൂളിലെ ലിഫ്റ്റ്‌ കേടായതോടെയാണ് അധികൃതര്‍ ടെക്നീഷ്യനെ വിളിച്ചത്.

ലിഫ്റ്റ്‌ നന്നാക്കുന്നതിനിടെയാണ് പത്തും പന്ത്രണ്ടും വയസുള്ള കുട്ടികളെ പീഡിപ്പിച്ചത്. സമീപത്ത് ആരുമില്ലെന്ന് ഉറപ്പുവരുത്തിയായിരുന്നു പീഡനം. കുട്ടികള്‍ അധ്യാപികയെയാണ് വിവരം അറിയിച്ചത്. ഇയാളെ തടഞ്ഞുവച്ച് സ്കൂള്‍ അധികൃതര്‍ പോലീസിനെ വിവരമറിയിച്ചു.

പെണ്‍കുട്ടികളുടെ മൊഴിയുടെ അടിസ്ഥാനത്തില്‍ ഇയാള്‍ക്ക് എതിരെ പോക്സോ ഉള്‍പ്പെടെയുള്ള വകുപ്പുകള്‍ ഉള്‍പ്പെടുത്തി പോലീസ് കേസ് എടുത്തിട്ടുണ്ട്. പ്രതി അറസ്റ്റിലാണെന്നും നാല് ദിവസത്തെ പോലീസ് കസ്റ്റഡി കോടതി അനുവദിച്ചിട്ടുണ്ടെന്നും പോലീസ് വ്യക്തമാക്കി