ഇന്ന് 250 കോടി, അന്ന്….!! ഷാരൂഖ് ഖാൻ്റെ ആദ്യ പ്രതിഫലം കേട്ട് ഞെട്ടി ആരാധകർ

ഏറ്റവും കൂടുതൽ പ്രതിഫലം വാങ്ങുന്ന താരമായി ഇപ്പോഴും ബോളിവുഡിൽ ഷാരൂഖ് ഖാൻ. നിലവിൽ 7300 കോടിയുടെ ആസ്തിയുമായി സമ്പത്തിന്റെ കാര്യത്തിലും കിങ് ഖാൻ തന്നെയാണ് ഒന്നാമത്. 1990 കളിൽ ബോളിവുഡിൽ അരങ്ങേറ്റം കുറിച്ച താരം ഇന്ന് ഒരു ചിത്രത്തിന് 150 മുൽ 250 കോടി രൂപവരെയാണ് വാങ്ങുന്നത്. താരത്തിൻ്റെ ആദ്യത്തെ പ്രതിഫലം കേട്ട് ഞെട്ടിയിരിക്കുകയാണ് ആരാധകർ.

ടെലവിഷനിലൂടെയാണ് ഷാരൂഖ് സിനിമയിൽ എത്തുന്നത്. 50 രൂപയായിരുന്നു തനിക്ക് ആദ്യമായി ലഭിച്ച പ്രതിഫലമെന്നാണ് താരത്തിൻ്റെ വെളിപ്പെടുത്തൽ. ഒരു ഗായകന്റെ സംഗീത പരിപാടിക്കാണ് ഈ തുക ലഭിച്ചതെന്ന് ഒരു അഭിമുഖത്തിൽ അദ്ദേഹം വ്യക്തമാക്കി. ആദ്യ ശമ്പളം കൂട്ടുകാർക്കൊപ്പമുള്ള താജ്മഹൽ സന്ദർശത്തിന് വേണ്ടി മാറ്റിവച്ചെന്നും താരം വെളിപ്പെടുത്തി.

സ്വന്തമായി റെഡ് ചില്ലീസ് എന്ന നിർമാണ കമ്പനിയുള്ള താരം ഐപിഎല്ലിലും സജീവമാണ്. ഷാരൂഖിൻ്റെ ഉടമസ്ഥതയിലുള്ള ക്രിക്കറ്റ് ടീമാണ് കൊല്‍ക്കത്ത നൈറ്റ് റൈഡേഴ്‌സ്. ‘കിങ്’ ആണ് പുറത്തിറങ്ങാനിരിക്കുന്ന പുതിയ ചിത്രം. ഇതിൽ മകൾ സുഹാന ഖാനും അഭിനയിക്കുന്നുണ്ട്.