ഷൈൻ ടോമും തനൂജയും പുതു ജീവിതത്തിലേക്ക്; വിവാഹ നിശ്ചയം കഴിഞ്ഞു
നടൻ ഷൈൻ ടോം ചാക്കോയും പ്രണയിനി തനൂജയും തമ്മിലുള്ള വിവാഹ നിശ്ചയം കഴിഞ്ഞു. വിവാഹ നിശ്ചയത്തിന്റെ ചിത്രങ്ങൾ ഷൈൻ തന്നെയാണ് സോഷ്യൽ മീഡിയയിൽ പോസ്റ്റ് ചെയ്തത്. അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ വളരെ ലളിതമായാണ് ഷൈനിന്റെയും തനൂജയുടെയും വിവാഹ നിശ്ചയം നടന്നത്.
പിങ്കും വെള്ളയും കലർന്ന ലഹങ്കയിൽ തനൂജയും വെളുത്ത പാന്റും പിങ്ക് ഷർട്ടുമണിഞ്ഞ് ഷൈനും നിൽക്കുന്ന ചിത്രങ്ങളാണ് പങ്കുവച്ചിരിക്കുന്നത്. ബന്ധുക്കൾ തനൂജയുടെ കയ്യിൽ ആഭരണം അണിയിക്കുന്നതിന്റെ ചിത്രവും ഷൈൻ പങ്കുവച്ചിട്ടുണ്ട്. ഷൈനിന്റെ കുടുംബത്തെയും ഒപ്പം കാണാം. ഏറെ നാളുകളായി ഷൈനും തനൂജയും പ്രണയത്തിലാണ്.
വിവാഹ നിശ്ചയ ചിത്രങ്ങളുടെ താഴെ ഷൈനിനും തനൂജയ്ക്കും ആശംസകൾ അറിയിച്ച് സിനിമാ മേഖലയിൽ നിന്നുള്ളവരും ആരാധകരും എത്തിയിട്ടുണ്ട്.
ഷൈനിനൊപ്പം പല ആഘോഷങ്ങളിലും തനൂജ പങ്കെടുക്കുന്നതിന്റെ ചിത്രങ്ങൾ നേരത്തെയും പ്രചരിച്ചിരുന്നു. തനൂജക്കൊപ്പമുള്ള ചിത്രങ്ങൾ ഷൈനും സോഷ്യൽ മീഡിയയിൽ പങ്കുവച്ചിട്ടുണ്ട്. തനൂജ എന്നാണ് കാമുകിയുടെ പേരെന്ന് ഷൈൻ തന്നെയാണ് വെളിപ്പെടുത്തിയത്. മോഡൽ ആണ് തനൂജ.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
