അഭിനേതാക്കൾ സഞ്ചരിച്ച ബസ് മറിഞ്ഞു; കാന്താര ചാപ്റ്റർ 1ൻ്റെ ഷൂട്ടിംഗ് മുടങ്ങി

റിഷബ് ഷെട്ടിയുടെ കാന്താര ചാപ്റ്റർ 1ൻ്റെ ഷൂട്ടിംഗ് നിർത്തി. ഇന്നലെ രാത്രി രാത്രി സിനിമയിൽ അഭിനയിക്കുന്ന ജൂനിയർ ആർട്ടിസ്റ്റുകൾ സഞ്ചരിച്ചിരുന്ന ബസ് അപകടത്തിൽപ്പെട്ടതിനെ തുടർന്നാണ് താല്ക്കാലികമായി ഷൂട്ടിംഗ് നിർത്തിവച്ചിരിക്കുന്നത്. ഉഡുപ്പിയിലെ ജഡ്കലിന് സമീപമാണ് അപകടമുണ്ടായത്.

സിനിമാസംഘം സഞ്ചരിച്ച മിനി ബസ് മറിഞ്ഞാണ് അപകടമുണ്ടായതെന്ന് കൊല്ലൂർ പോലീസ് പറഞ്ഞു. 20 ജൂനിയർ ആർട്ടിസ്റ്റുകളാണ് ബസിൽ ഉണ്ടായിരുന്നത്. ജഡ്കലിലെ മുടൂരിൽ ഷൂട്ടിംഗ് പൂർത്തിയാക്കി കൊല്ലൂരിലേക്ക് മടങ്ങുന്നതിനിടെയാണ് സംഭവം. ആറു പേർക്ക് അപകടത്തിൽ പരുക്കേറ്റു. ജഡ്കാൽ മഹാലക്ഷ്മി ക്ലിനിക്കിലെ ആശുപത്രിയിൽ പ്രവേശിപ്പിച്ചിരിക്കുകയാണ്.

Also Read: ധനുഷിനെതിരെയുള്ള നയൻതാരയുടെ കത്തിന് പിന്തുണയേറുന്നു; പ്രതികരണവുമായി പാർവതി, നസ്രിയ, അനുപമ, ഐശ്വര്യ ലക്ഷ്മി….

2022 ൽ സൂപ്പർ ഹിറ്റായ കന്നട സിനിമ കാന്താരയുടെ പ്രീക്വൽ കാന്താര ചാപ്റ്റർ 1. കഴിഞ്ഞ വർഷം നവംബറിലാണ് ചിത്രീകരണം ആരംഭിച്ചത്. നവംബർ 27ന് ഫസ്റ്റ് ലുക്ക് പോസ്റ്ററും ടീസറും പുറത്തിറങ്ങിയിരുന്നു. അടുത്ത വർഷം ഒക്ടോബർ 2 ന് ചിത്രം റിലീസ് ചെയ്യുമെന്ന് ഈ മാസം ആദ്യം അണിയ പ്രവർത്തകർ പ്രഖ്യാപിച്ചിരുന്നു.