സോളാർ ഗൂഢാലോചനക്കേസിൽ ഗണേഷിന് ഇളവ്; ഒന്നാം പ്രതിക്ക് ജാമ്യം; കേസ് ഇനി ജനുവരി 10ന്

കൊല്ലം: മുൻ മുഖ്യമന്ത്രി ഉമ്മൻ ചാണ്ടിക്കെതിരായ സോളാർ ഗൂഢാലോചനക്കേസിൽ ഒന്നാം പ്രതിയായ യുവതിക്ക് ജാമ്യം. കൊട്ടാരക്കര ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് ഒന്നാംകോടതിയിൽ ഇന്ന് നേരിട്ട് ഹാജരായി ജാമ്യമെടുക്കുകയായിരുന്നു.കേസില്‍ രണ്ടാം പ്രതിയായ കെ.ബി.ഗണേഷ് കുമാര്‍ ഈ മാസം രണ്ടിന് കോടതിയില്‍ ഹാജരായി ജാമ്യമെടുത്തിരുന്നു.

ഗണേഷ് കുമാറിന് എല്ലാ വിചാരണ വേളയിലും നേരിട്ട് ഹാജരാകുന്നതില്‍ നിന്ന് കോടതി ഇളവ് നല്‍കി. ആവശ്യപ്പെടുമ്പോള്‍ മാത്രം കേസില്‍ ഹാജരായാല്‍ മതിയാകും. ജനുവരി 10 ന് കോടതി കേസ് വീണ്ടും പരിഗണിക്കും.

പ​ത്ത​നം​തി​ട്ട ജ​യി​ലി​ൽ​നി​ന്ന് പ​രാ​തി​ക്കാ​രി ത​യാ​റാ​ക്കി ന​ൽ​കി​യ കത്തില്‍ 21 പേ​ജു​കളാണ് ഉണ്ടായിരുന്നത്. എന്നാല്‍ കെ.ബി ഗണേഷ്കുമാർ എംഎ​ൽഎ ഉ​ൾ​പ്പെ​ടെ​യു​ള്ള​വ​ർ ഗൂ​ഢാ​ലോ​ച​ന ന​ട​ത്തി ഉ​മ്മ​ൻ ചാ​ണ്ടി​യു​ടെ അടക്കമുള്ളവരുടെ പേ​രു​ക​ൾ രേ​ഖ​പ്പെ​ടു​ത്തി പുതുതായി നാ​ലു​പേ​ജ്​ കൂ​ട്ടി​ച്ചേ​ർത്ത് ​​ ന​ൽ​കി​. ഇതാണ് അഡ്വ.സു​ധീ​ർ ജേക്കബിന്റെ ​ പ​രാ​തി. ഈ കേസിലാണ് ഇപ്പോൾ കൊട്ടാരക്കര കോടതിയുടെ നടപടി ഉണ്ടായിരിക്കുന്നത്.