അല്ലു അര്‍ജുന്‍ ജയില്‍ മോചിതനായി; പുറത്ത് ഇറക്കുമ്പോഴും ട്വിസ്റ്റ്‌

പു​ഷ്പ രണ്ട് സി​നി​മ​യു​ടെ റി​ലീ​സി​നി​ടെ തി​ക്കി​ലും തി​ര​ക്കി​ലും പെ​ട്ട് യു​വ​തി മ​രി​ച്ച സം​ഭ​വ​ത്തി​ൽ അ​റ​സ്റ്റി​ലാ​യ ന​ട​ന്‍ അ​ല്ലു അ​ര്‍​ജു​ൻ ജ​യി​ൽ മോ​ചി​ത​നാ​യി. ഇന്നലെ തെ​ല​ങ്കാ​ന ഹൈ​ക്കോ​ട​തി ജാമ്യം അനുവദിച്ചെങ്കിലും ഉത്തരവിന്റെ പകര്‍പ്പ് ജയിലില്‍ എത്താന്‍ വൈകി. തുടര്‍ന്ന് ഇന്നലെ രാത്രി തെലങ്കാന ചഞ്ചൽഗുഡ ജയിലില്‍ കഴിയേണ്ടി വന്നു. താ​ര​ത്തെ സ്വീ​ക​രി​ക്കാ​ൻ ആരാധകര്‍ ജയിലിന് പുറത്ത് തടിച്ചുകൂടിയിരുന്നു.

നടനെ പുറത്തിറക്കുന്നതിലും ട്വിസ്റ്റുണ്ടായി. ജയിലിലെ പ്രധാന കവാടത്തിലൂടെ നടനെ പുറത്ത് ഇറക്കാന്‍ പോലീസ് തയ്യാറായില്ല. അല്ലുവിനു സ്വീകരണം നല്‍കാന്‍ ആരാധകര്‍ പുറത്ത് തടിച്ചുകൂടിയിരുന്നു. എന്നാല്‍ ഇത് മനസിലാക്കിയ പോലീസ് മുന്‍ഗേറ്റ് ഒഴിവാക്കി. പിന്‍ഗേറ്റിലൂടെ നാടകീയമായാണ് അല്ലുവിനെ പുറത്ത് ഇറക്കിയത്. അതുകൊണ്ട് തന്നെ ജയിലിന് മുന്നില്‍ കാത്ത് നിന്നവര്‍ നിരാശരായി.

കേസില്‍ നടനെ തെലങ്കാന പൊലീസിന്റെ സ്പെഷൽ ടാസ്ക് ഫോഴ്സ് ആണ് അറസ്റ്റ് ചെയ്തത്. നമ്പള്ളി മജിസ്ട്രേറ്റ് കോടതിയാണ് 14 ദിവസത്തേക്ക് നടനെ റിമാൻഡ് ചെയ്തത്. ജയിലിലേക്ക് മാറ്റാന്‍ പോലീസ് ഒരുക്കം തുടരുന്നതിനിടെയാണ് ജാമ്യം ലഭിച്ചത്. കേസില്‍ മനപൂര്‍വമല്ലാത്ത നരഹത്യ കുറ്റം നിലനില്‍ക്കുമോ എന്ന് കോടതി സംശയം പ്രകടിപ്പിച്ചിട്ടുണ്ട്. നടന്റെ അവകാശം ഇല്ലാതാക്കാന്‍ കഴിയില്ലെന്നും കോടതി പറഞ്ഞു.

Also Read: ഭാര്യക്ക് സ്‌നേഹ ചുംബനം നല്‍കി പോലീസ് വാഹനത്തിലേക്ക്; നാടകീയമായി അറസ്റ്റിന് വഴങ്ങി നടന്‍

ബോധപൂർവം ആരെയും ഉപദ്രവിക്കാൻ അല്ലു ഉദ്ദേശിച്ചില്ലെന്നും തിക്കും തിരക്കും നിയന്ത്രിക്കേണ്ടിയിരുന്നത് പൊലീസാണെന്നുമാണ് അല്ലു അർജുന്റെ അഭിഭാഷകർ വാദിച്ചത്. ഈ വാദങ്ങള്‍ പരിഗണിച്ചാണ് കോടതി നടപടി.

Also Read: അല്ലു അർജുൻ അറസ്റ്റിൽ; യുവതി മരിച്ച കേസിൽ ശക്തമായ നടപടിയുമായി പോലീസ്

ഡിസംബർ നാലിന് നടന്ന പുഷ്പ 2 പ്രീമിയർ ഷോയ്ക്കിടെ ആണ് അപകടം. അല്ലു അർജുനും പുഷ്പയുടെ സംവിധായകൻ സുകുമാറും എത്തിയതോടെയാണ് തിയേറ്ററിലെ തിരക്ക് നിയന്ത്രണാതീതമായത്. ആന്ധ്ര സ്വദേശിയായ രേവതി (39) ആണ് തിക്കിലും തിരക്കിലും മരിച്ചത്. മകൻ ശ്രീ തേജയെ (9) ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചിരുന്നു.

വേണ്ടത്ര സുരക്ഷാ ക്രമീകരണങ്ങളില്ലാതെ താരം ആൾക്കൂട്ടത്തിനിടയിലേക്ക് വന്നതാണ് അപകടകാരണമെന്നാണ് പോലീസ് റിപ്പോർ‌ട്ട്. അല്ലു അർജുന് പുറമേ തിയറ്റർ ഉടമയ്ക്കും സ്വകാര്യ സുരക്ഷാ ഉദ്യോഗസ്ഥർക്കും എതിരെയും കേസെടുത്തിട്ടുണ്ട്.