വിദ്യാര്‍ത്ഥി സ്കൂളിലെ കിണറില്‍ വീണു; തലയ്ക്ക് പരുക്ക്

കൊല്ലം കുന്നത്തൂരില്‍ വിദ്യാര്‍ത്ഥി സ്കൂളിലെ കിണറില്‍ വീണു. എംടി യുപി സ്കൂളിലെ ആറാം ക്ലാസ് വിദ്യാര്‍ത്ഥിയായ ഫെബിന്‍ ആണ് കിണറില്‍ വീണത്. സംഭവം സ്കൂളില്‍ പരിഭ്രാന്തി പരത്തി. അടുത്തുള്ള യുവാക്കളാണ് കുട്ടിയെ കിണറില്‍ നിന്നും രക്ഷപ്പെടുത്തിയത്. ഫയര്‍ഫോഴ്സ് എത്തുമ്പോഴേക്കും കുട്ടിയെ രക്ഷപ്പെടുത്തിയിരുന്നു.

പരിസരത്തുള്ള മൂന്നുപേരാണ് കിണറില്‍ ഇറങ്ങിയത്. കുട്ടിയെ അവര്‍ താങ്ങി നിര്‍ത്തി. അപ്പോഴേക്കും ഫയര്‍ഫോഴ്സ് എത്തി വല ഇറക്കി. അതിലാണ് പുറത്ത് എത്തിച്ചത്. കുട്ടിക്ക് പരുക്കേറ്റിരുന്നു. തലയ്ക്കും നടുവിനുമാണ് പരുക്ക് ഉള്ളത്. സ്കൂളിനോട് ചേര്‍ന്നാണ് കിണര്‍ ഉള്ളത്. അബദ്ധത്തില്‍ കാല്‍വഴുതിയാണ് വീണത്.

കിണര്‍ ശരിയായ രീതിയില്‍ മൂടാത്തതാണ് അപകടത്തിന് കാരണം എന്ന് രക്ഷിതാക്കള്‍ ആരോപിച്ചിട്ടുണ്ട്.