ടിപി വധക്കേസ് പ്രതി ലംബു പ്രദീപന് സുപ്രീംകോടതി ഇളവ്; അപ്പീലില്‍ തീര്‍പ്പ് ആകുന്നതുവരെ കീഴടങ്ങേണ്ടതില്ല

ടി.പി.ചന്ദ്രശേഖരൻ വധക്കേസിലെ 31-ാം പ്രതി ലംബു പ്രദീപന് കീഴടങ്ങുന്നതില്‍ സുപ്രീംകോടതിയുടെ ഇളവ്. ടി പി വധക്കേസിൽ മൂന്നു വര്‍ഷം കഠിനതടവാണ് ലംബു പ്രദീപന് ഹൈക്കോടതി വിധിച്ച ശിക്ഷ. ഈ ശിക്ഷയ്ക്ക് എതിരായ അപ്പീലിൽ സുപ്രീം കോടതി തീരുമാനം എടുക്കുന്നത് വരെ ഇളവ് വേണമെന്നായിരുന്നു പ്രദീപന്റെ ആവശ്യം. ഈ ആവശ്യമാണ് സുപ്രീം കോടതി അംഗീകരിച്ചത്.

സിപിഎമ്മില്‍ നിന്നും വിട്ട് ആർഎംപി സ്ഥാപിച്ച ടി.പി.ചന്ദ്രശേഖരനെ 2012 മേയ് നാലിനാണ് ഒരു സംഘം ബോംബെറിഞ്ഞു വീഴ്‌ത്തിയ ശേഷം വെട്ടിക്കൊലപ്പെടുത്തിയത്. സിപിഎമ്മിൽ നിന്ന് വിട്ടുപോയി പാർട്ടിയുണ്ടാക്കിയതിനെ തുടര്‍ന്നുള്ള പകയില്‍ സിപിഎമ്മുകാരായ പ്രതികൾ ചന്ദ്രശേഖരനെ വെട്ടിക്കൊലപ്പെടുത്തിയെന്നാണ് കേസ്.