റിസോര്‍ട്ടിലെ സ്വിമ്മിംഗ് പൂളില്‍ മൂന്ന് യുവതികള്‍ മരിച്ച നിലയില്‍; മൂന്നുപേരും മൈസൂര്‍ സ്വദേശികള്‍

മംഗലാപുരത്തെ റിസോര്‍ട്ടിലെ സ്വിമ്മിംഗ് പൂളില്‍ മൂന്ന് യുവതികള്‍ മുങ്ങിമരിച്ച നിലയില്‍. വാസ്‌കോ റിസോർട്ടിലാണ് യുവതികളെ മുങ്ങിമരിച്ച നിലയില്‍ കണ്ടത്. എൻ.കീർത്തന (21), എം.ഡി.നിഷിത (21), എസ്.പാർവതി (20) എന്നിവരാണ് മരിച്ചത്.

സ്വിമ്മിംഗ് പൂളില്‍ കുളിക്കാന്‍ ശ്രമിക്കുന്നതിനിടെയാണ് അപകടം എന്നാണ് സൂചന. ഇന്നലെയാണ് ഇവര്‍ റിസോര്‍ട്ടില്‍ മുറി എടുത്തത്. നീന്തല്‍ അറിയാതെ കുളത്തില്‍ ഇറങ്ങിയതാണ് അപകടത്തിന് കാരണം എന്നാണ് സൂചന. ഒരാളെ രക്ഷിക്കാന്‍ ഇറങ്ങിയപ്പോഴാണ് മറ്റ് രണ്ടുപേരും അപകടത്തില്‍പ്പെട്ടത്.

ഉള്ളാള്‍ പോലീസ് അന്വേഷണം തുടങ്ങിയിട്ടുണ്ട്. സിസിടിവി ദൃശ്യങ്ങള്‍ കേന്ദ്രീകരിച്ചാണ് പോലീസ് അന്വേഷണം തുടങ്ങിയത്.