തലസ്ഥാനത്ത് വീണ്ടും ചോരപ്പക; ഗുണ്ടാ നേതാവിനെ വെട്ടിക്കൊന്നു

തിരുവനന്തപുരത്ത് ഗുണ്ടാ നേതാവിനെ വെട്ടിക്കൊന്നു. കാറില്‍ എത്തിയ മൂന്നംഗ സംഘമാണ് വട്ടപ്പാറ സ്വദേശി വെട്ടുകത്തി ജോയിക്ക് നേരെ ആക്രമണം നടത്തിയത്. പൗഡിക്കോണം സൊസൈറ്റി ജംക്‌ഷനിലാണ് ക്രൂരമായ കൊലപാതകം നടന്നത്. മൂന്ന് മണിക്കൂറോളം റോഡില്‍ രക്തം വാര്‍ന്നു കിടന്ന ജോയിയെ പോലീസ് എത്തിയാണ് മെഡിക്കല്‍ കോളജ് ആശുപത്രിയിൽ എത്തിച്ചത്.

കാപ്പ ചുമത്തി ജയിലിലായ ജോയി മൂന്നു ദിവസം മുൻപാണ് ജയിലിൽ നിന്നിറങ്ങിയത്.ഗുണ്ടാപ്പക തന്നെയാണ് ആക്രമണത്തിന് പിന്നില്‍ എന്നാണ് പോലീസ് നിഗമനം. പ്രതികളെ പിടികൂടാന്‍ കഴിഞ്ഞിട്ടില്ല. പോലീസ് അന്വേഷണം തുടങ്ങിയിട്ടുണ്ട്.