മ​ധ്യ​സ്ഥ ച​ര്‍​ച്ച​ക്കിടെ മര്‍ദ്ദിച്ച് കൊല; ​പഞ്ചാ​യ​ത്ത് വൈ​സ് പ്ര​സി​ഡ​ന്റിന്റെ മരണത്തില്‍ രണ്ട് പേര്‍ കൂടി അറസ്റ്റില്‍

കൊ​ല്ലം: തൊ​ടി​യൂ​രി​ല്‍ വി​വാ​ഹ​വു​മാ​യി ബ​ന്ധ​പ്പെ​ട്ട മ​ധ്യ​സ്ഥ ച​ര്‍​ച്ച​യ്ക്കി​ട​യി​ല്‍ പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് സ​ലീം മ​ണ്ണേ​ലി​നെ മ​ർ​ദ്ദി​ച്ച് കൊ​ന്ന കേ​സി​ൽ ര​ണ്ട് പ്ര​തികള്‍ കൂടി അറസ്റ്റില്‍. ശാ​സ്താം​കോ​ട്ട സ്വ​ദേ​ശി​കളും സ​ഹോ​ദ​ര​ങ്ങ​ളു​മാ​യ ഫൈ​സ​ലും മു​സ്സ​മ്മ​ലു​മാ​ണ് അ​റ​സ്റ്റി​ലാ​യ​ത്.

ഇ​രു​വ​രേ​യും പാ​ല​ക്കാ​ട് മ​ണ്ണാ​ര്‍​ക്കാ​ട് ഒ​ളി​വി​ൽ ക​ഴി​ഞ്ഞ സ്ഥ​ല​ത്ത് നി​ന്നും പി​ടി​കൂ​ടു​ക​യാ​യി​രു​ന്നു ആ​കെ നാ​ലു പേ​രാ​ണ് കേ​സി​ൽ ഇ​തു​വ​രെ അ​റ​സ്റ്റി​ലാ​യ​ത്. തേ​വ​ല​ക്ക​ര സ്വ​ദേ​ശി മു​ഹ​മ്മ​ദ് ഷാ​യെ​യും യൂ​സു​ഫി​നെ​യും ക​ഴി​ഞ്ഞ ദി​വ​സ​മാ​ണ് റി​മാ​ൻ​ഡ് ചെ​യ്ത​ത്.

പാ​ലോ​ലി​കു​ള​ങ്ങ​ര ജ​മാ​അ​ത്ത് ഓ​ഫീ​സി​ല്‍ വ​ച്ച് മ​ധ്യ​സ്ഥ ച​ര്‍​ച്ച​യ്ക്കി​ടെ​യാ​ണ് സംഭവം. മ​ഹ​ല്ല് സെ​ക്ര​ട്ട​റി ഷെ​മീ​റി​നെ ആ​ളു​ക​ൾ മ​ർ​ദി​ക്കു​ന്ന​ത് ക​ണ്ട് ത​ട​യാ​നെ​ത്തി​യ​താ​ണ് സ​ലീം. ഇ​വ​ർ സ​ലീ​മി​ന്‍റെ നെ​ഞ്ചി​ൽ ഇ​ടി​ക്കു​ക​യും ച​വി​ട്ടി വീ​ഴ്ത്തു​ക​യു​മാ​യി​രു​ന്നു.

ക​രു​നാ​ഗ​പ്പ​ള്ളി പോ​ലീ​സി​ല്‍ സ​ലീ​മി​ന്‍റെ ബ​ന്ധു​ക്ക​ൾ പ​രാ​തി ന​ൽ​കി​യ​തി​ന് പി​ന്നാ​ലെ കൊ​ല​ക്കു​റ്റ​ത്തി​ന് കേ​സെ​ടു​ക്കു​ക​യാ​യി​രു​ന്നു. ആ​കെ പ​തി​ന​ഞ്ച് പേ​ർ​ക്കെ​തി​രെ​യാ​ണ് കേ​സെ​ടു​ത്ത​തെ​ന്നും അ​ന്വേ​ഷ​ണം പു​രോ​ഗ​മി​ക്കു​ക​യാ​ണെ​ന്നും പോ​ലീ​സ് അ​റി​യി​ച്ചു.