തൃശൂര്‍ പൂ​രം പ്ര​തി​സ​ന്ധിയില്‍; സര്‍ക്കാര്‍ വി​ളി​ച്ച യോഗത്തിലും തീരുമാനം വന്നില്ല; തറവാടകയില്‍ കോടതി തീരുമാനം നിര്‍ണായകമാകും

തൃ​ശൂ​ർ: തൃശൂര്‍ പൂ​രം പ്ര​തി​സ​ന്ധി​ പരിഹരിക്കാന്‍ സര്‍ക്കാര്‍ വി​ളി​ച്ചു​ചേ​ർ​ത്ത യോ​ഗത്തിലും തീരുമാനം വന്നില്ല. പ്രദർശന നഗരിയുടെ തറവാടക കുറയ്ക്കുന്ന കാര്യത്തിൽ ഒരു തീരുമാനവുംനിര്‍ദ്ദേശിക്കാന്‍ മന്ത്രിമാര്‍ക്ക് കഴിഞ്ഞില്ല.

മന്ത്രിമാരായ കെ.രാധാകൃഷ്ണനും കെ.രാജനും കൊച്ചിൻ ദേവസ്വം ബോർഡ് പ്രതിനിധികളും പാറമേക്കാവ്, തിരുവമ്പാടി ദേവസ്വം ഭാരവാഹികളും ചേര്‍ന്നാണ് പ്രശ്നപരിഹാര ചര്‍ച്ച നടത്തിയത്.

കഴിഞ്ഞ വർഷം 39 ലക്ഷം രൂപ ഈടാക്കിയ തറവാടക ഇക്കൊല്ലം 2.20 കോടിയാക്കിയതാണ് പ്രശ്നങ്ങള്‍ക്ക് കാരണം. എന്നാല്‍ ഈ തീരുമാനം കോടതിയുടേതാണ് എന്നാണ് കൊച്ചിൻ ദേവസ്വം ബോർഡ് യോഗത്തില്‍ പറഞ്ഞത്. കോ​ട​തി​യോ​ട് ചോ​ദി​ക്കാ​തെ ഒ​ന്നും ചെ​യ്യാ​നാ​വി​ല്ലെ​ന്നാണ് മ​ന്ത്രി​മാ​രാ​യ കെ. ​രാ​ധാ​കൃ​ഷ​ണ​നും കെ. ​രാ​ജ​നും പ​റ​ഞ്ഞത്. കോ​ട​തി​യി​ൽ നി​ല​പാ​ട് സ​ർ​ക്കാ​ർ പ​റ​യു​മെ​ന്നും മ​ന്ത്രി കൂ​ട്ടി​ച്ചേ​ർ​ത്തു. വരുന്ന ജനുവരി നാലിനാണ് കേസ് കോടതി പരിഗണിക്കുന്നത്.