ന​ര​ഭോ​ജി ക​ടു​വ​യെ വെടിവച്ചു വീഴ്ത്തും; രണ്ടും കല്‍പ്പിച്ച് വനംവകുപ്പ് സംഘം; നി​രോ​ധ​നാ​ജ്ഞയും നീട്ടി

വ​യ​നാ​ട്ടി​ലെ ന​ര​ഭോ​ജി ക​ടു​വ​യെ പി​ടി​കൂ​ടാ​നു​ള്ള ദൗ​ത്യം വിജയിച്ചില്ല. പ​ഞ്ചാ​ര​ക്കൊ​ല്ലി, പി​ലാ​ക്കാ​വ്, മേ​ലേ​ചി​റ​ക്ക​ര മേഖലകളില്‍ നാളെ രാ​വി​ലെ ആ​റു മു​ത​ൽ 48 മ​ണി​ക്കൂ​ർ സ​മ​യ​ത്തേ​ക്ക് നി​രോ​ധ​നാ​ജ്ഞ പ്ര​ഖ്യാ​പി​ച്ചി​ട്ടുണ്ട്. എന്ത് വില കൊടുത്തും കടുവയെ വെടിവച്ചു വീഴ്ത്താനാണ് ആര്‍ആര്‍ടി സംഘത്തിന്റെ തീരുമാനം.

നി​രോ​ധ​നാ​ജ്ഞ ഉള്ള സ്ഥലങ്ങളില്‍ ജ​ന​ങ്ങ​ൾ പു​റ​ത്തി​റ​ങ്ങ​രു​തെ​ന്നും ക​ട​ക​ൾ അ​ട​ച്ചി​ട​ണ​മെ​ന്നും നിര്‍ദേശം നല്‍കിയിട്ടുണ്ട്. പ​രീ​ക്ഷ​ക​ൾ​ക്ക് പോ​കേ​ണ്ടവര്‍ക്കായി വാ​ഹ​ന സൗ​ക​ര്യം ഒ​രു​ക്കി​യി​ട്ടു​ണ്ട്.

Also Read: ‘നീ പാട്ട് വെക്ക്, അയാൾ പാടട്ടെ’; മന്ത്രിയുടെ തൊലിയുരിച്ച് നാട്ടുകാർ; കാറിന് പുറത്തേക്ക് ഇറങ്ങാന്‍പോലും കഴിയാതെ ശശീന്ദ്രന്‍

പഞ്ചാരക്കൊല്ലിയില്‍ വീട്ടമ്മയെ ആക്രമിച്ചു കൊലപ്പെടുത്തിയ നരഭോജിക്കടുവയെ വെടിവയ്ക്കാന്‍ ഉത്തരവു നല്‍കുമെന്നു മന്ത്രി എ.കെ.ശശീന്ദ്രന്‍ അറിയിച്ചിട്ടുണ്ട്. വന്യജീവി ആക്രമണവുമായി ബന്ധപ്പെട്ടു കലക്ടറേറ്റില്‍ നടന്ന ഉന്നതതല യോഗത്തിനു ശേഷമായിരുന്നു മന്ത്രിയുടെ പ്രഖ്യാപനം.

Also Read: ‘എന്ത് വില കൊടുത്തും കടുവയെ വെടിവച്ച് കൊല്ലുക; ഇതെൻ്റെ ഉത്തരവാണ്’; ആദ്യാവസാനം ശക്തമായ നിലപാട് മുഖ്യമന്ത്രിയുടേത്

ജനവാസ മേഖലയോടു ചേര്‍ന്നുള്ള വനമേഖലകളിലെ അടിക്കാടുകള്‍ വെട്ടാനും യോഗത്തില്‍ തീരുമാനമായി. വന്യമൃഗങ്ങളുടെ സാന്നിധ്യമുള്ള പ്രദേശങ്ങളില്‍ പട്രോളിങ് ശക്തിപ്പെടുത്താനും മന്ത്രി നിര്‍ദ്ദേശം നല്‍കിയിട്ടുണ്ട്.