നിയന്ത്രണം വിട്ട ടിപ്പര്‍ വഴിയോരത്തേക്ക് പാഞ്ഞുകയറി; വീട്ടമ്മക്ക് ദാരുണാന്ത്യം; ഒപ്പമുള്ള സ്ത്രീക്ക് ഗുരുതര പരുക്ക്

മലപ്പുറം പാണ്ടിക്കാട് വഴിയാത്രക്കാരുടെ നേര്‍ക്ക് ടിപ്പര്‍ പാഞ്ഞുകയറി ഒരാള്‍ മരിച്ചു. റോഡിലൂടെ നടന്നു പോവുകയായിരുന്ന മേലാറ്റൂര്‍ സ്വദേശി ഹേമലതയാണ് മരിച്ചത്. ഗുരുതരമായി പരുക്കേറ്റ സിന്ധുമോളെ സ്വകാര്യ ആശുപത്രിയില്‍ പ്രവേശിപ്പിച്ചിട്ടുണ്ട്.

റോഡിലൂടെ നടക്കുമ്പോള്‍ പിന്നില്‍ നിന്നാണ് ടിപ്പര്‍ ഇവരെ ഇടിച്ചത്. സംഭവ സ്ഥലത്ത് വച്ച് തന്നെ ഹേമലത മരിച്ചു. പാണ്ടിക്കാട് ആശുപത്രിയില്‍ പ്രസവിച്ചുകിടക്കുന്ന മകളെ കാണാനാണ് ഹേമലത പോയത്. മകള്‍ക്ക് ചായ വാങ്ങിക്കാന്‍ വേണ്ടിയാണ് ഹേമലതയും സിന്ധുവും ഇറങ്ങിയത്.

ടിപ്പര്‍ നിയന്ത്രണം വിട്ടാണ് അപകടം വരുത്തിയത്. അപകടസമയത്ത് അമിത വേഗതയിലുമായിരുന്നു. പോലീസ് കേസെടുത്ത് അന്വേഷണം തുടങ്ങിയിട്ടുണ്ട്.