ബിഎസ്പി തമിഴ്നാട് ഘടകം പ്രസിഡന്റിനെ വെട്ടിക്കൊന്നു; അക്രമികള്‍ക്കായി പോലീസ് തിരച്ചില്‍

ബഹുജൻ സമാജ്‌വാദി പാർട്ടി (ബിഎസ്പി) തമിഴ്നാട് ഘടകം സംസ്ഥാന പ്രസിഡന്റിനെ വെട്ടിക്കൊന്നു. കെ.ആംസ്ട്രോങ് ആണ് കൊല്ലപ്പെട്ടത്. ഇരുചക്രവാഹനങ്ങളിലെത്തിയ ആറം​ഗസംഘമാണ് ആക്രമണത്തിന് പിന്നില്‍. കൊല നടത്തിയ ശേഷം അക്രമിസംഘം രക്ഷപ്പെട്ടു.

ചെന്നൈ പെരമ്പൂരിലെ സദയപ്പൻ സ്ട്രീറ്റിലുള്ള ആംസ്ട്രോങ്ങിന്‍റെ വീടിനുസമീപത്തുവെച്ചാണ് അക്രമം നടന്നത്. ഗുരുതരമായി പരിക്കേറ്റ ആംസ്ട്രോങ്ങിനെ സമീപത്തെ സ്വകാര്യ ആശുപത്രിയിലെത്തിച്ചെങ്കിലും രക്ഷിക്കാനായില്ല. പ്രതികൾക്കായി കൊളത്തൂർ പോലീസ് അന്വേഷണം ശക്തമാക്കി.