ആദിവാസി യുവതിയെ ബലമായി മനുഷ്യവിസർജ്യം തീറ്റിച്ചു; 20കാരി ഇരയായത് ക്രൂര മർദ്ദനത്തിന്

ഒഡീഷയിൽ ആദിവാസി യുവതിക്ക് നേരെ ക്രൂര ആക്രമണം. ബലംഗീർ സ്വദേശിയായ 20കാരിയെ അയൽവാസിയായ അഭയ് ബാഗ് ജാതിപരമായ പരാമർശങ്ങൾ നടത്തി ആക്രമിക്കുകയായിരുന്നു. ഇയാൾ തന്നെ ബലമായി മനുഷ്യവിസർജ്യം കഴിപ്പിക്കുകയും ചെയ്തതായി യുവതി ബംഗോമുണ്ട പോലീസ് സ്‌റ്റേഷനിൽ നൽകിയ പരാതിയിൽ പറയുന്നു.

Also Read: കോടതിക്ക് മുന്നില്‍വച്ച് അരിവാളുകൊണ്ട് അഭിഭാഷകൻ്റെ കഴുത്തറുത്തു; പിന്നാലെ മജിസ്ട്രേറ്റിന് മുന്നിൽ കീഴടങ്ങൽ

യുവതിയുടെ കൃഷിഭൂമിയിൽ ട്രാക്ടർ പ്രവർത്തിപ്പിച്ചതിനെ ചൊല്ലി മറ്റൊരു വിഭാഗത്തിൽപ്പെട്ട പ്രദേശവാസികളുമായി തർക്കമുണ്ടായിരുന്നു. ഇതിൻ്റെ പ്രതികാരമായിട്ടാണ് തന്നെ മർദ്ദിച്ചതെന്നും മനുഷ്യവിസർജ്യം കഴിപ്പിച്ചതെന്നും യുവതി പറഞ്ഞു.

Also Read: വിദ്യാർത്ഥികളുടെ മുന്നിലിട്ട് അധ്യാപികയെ കഴുത്തറുത്ത് കൊന്നു; വിവാഹം നിരസിച്ചതിന് യുവാവിൻ്റെ ക്രൂരകൃത്യം

സംഭവ ശേഷം പ്രതി ഒളിവിലാണെന്ന് കാന്തബൻജി സബ് ഡിവിഷണൽ പോലീസ് ഓഫീസർ ഗൗരംഗ് ചരൺ സാഹു അറിയിച്ചു. ഉടൻ അറസ്റ്റ് ചെയ്യുമെന്നും അദ്ദേഹം കൂട്ടിച്ചേര്‍ത്തു. പ്രദേശത്ത് ആദിവാസി സംഘടനകളുടെ നേതൃത്വത്തിൽ വൻപ്രതിഷേധമാണുണ്ടായത്. പ്രതിയെ അറസ്റ്റ് ചെയ്യണമെന്നും ഇരക്ക് നീതി ഉടൻ ഉറപ്പാക്കണമെന്നുമാണ് അവരുടെ ആവശ്യം.