മാവോയിസ്റ്റ് ബന്ധം: മാധ്യമപ്രവർത്തകനടക്കം ഏഴ് മലയാളികൾക്കെതിരെ തെലങ്കാനയിൽ യുഎപിഎ

ഹൈദ്രാബാദ്: മലയാളി മാധ്യമ പ്രവർത്തകനെതിരെയും മനുഷ്യാവകാശ പ്രവർത്തകർക്കുമെതിരെയും യുഎപിഎ ചുമത്തി തെലങ്കാന പോലീസ്. ‘ഈ നാട് ‘ പത്രമാണ് വാർത്ത റിപ്പോർട്ട് ചെയ്തിരിക്കുന്നത്. മുതിർന്ന മാധ്യമപ്രവർത്തകനും മലബാർ ജേർണൽ എഡിറ്റർ ഇൻ ചീഫുമായ എറണാകുളം സ്വദേശി കെ പി സേതുനാഥ്​ അടക്കം ഏഴ്​ മലയാളികളെ കേസിൽ ഉൾപ്പെടുത്തിയതായാണ്​ ഈ നാടിൻ്റെ റിപ്പോർട്ടിൽ പറയുന്നത്. ‘ഈനാട്​’ വാർത്ത പങ്കുെവച്ച്​, തൻ്റെപേര്​ യുഎപിഎ കേസിൽ വന്നതിനെക്കുറിച്ച് എൻ വേണുഗോപാൽ ഫേസ്​ബുക്കിൽ കുറിപ്പിട്ട​തോടെയാണ്​ വിവരം പലരും അറിഞ്ഞത്​.

മാർക്​സിസ്​റ്റ്​ ചിന്തകനും എഴുത്തുകാരനുമായ കെ മുരളി (അജിത്ത്​), മനുഷ്യാവകാശ പ്രവർത്തകൻ സിപി റഷീദ്​, സിപി ഇസ്​മായിൽ, സിപി മൊയ്​തീൻ (മലപ്പുറം), പ്രദീപ്​, വർഗീസ്​ എ എന്നിവർക്കെതിയെ യുഎപിഎ ചുമത്തിയത്.

സെപ്​തംബർ 15 ന്​ സിപിഐ (മാ​വോയിസ്​റ്റ്​) കേന്ദ്രകമ്മിറ്റിയംഗം സഞ്​ജയ്​ ദീപക്​ റാവുവിനെ ​തെലങ്കാന പോലീസ്​ അറസ്​റ്റ്​ ചെയ്​തിരുന്നു. ഇതേതുടർന്നാണ്​ 23 പേർക്കെതിരെ പുതിയ യുഎപിഎ കേസ്​ ചുമത്തിയതെന്ന്​ സെപ്റ്റംബർ 21ന് പ്രസിദ്ധീകരിച്ച വാർത്തയിൽ പറയുന്നു.

യുഎപിഎയുടെ സെക്​ഷൻ 18 (ബി), 20 വകുപ്പുകളും തെലങ്കാന പൊതു സുരക്ഷാ നിയമവും ആയുധ നിയമത്തി​ൻ്റെ സെക്​ഷൻ 25 പ്രകാരവുമാണ്​ കേസ്​. കേസിൽ ‘ഉയർന്ന മാവോയിസ്​റ്റ്​ നേതാക്കൾ’ എന്ന വിഭാഗത്തിൽ നമ്പല്ല കേശവ റാവു, മുപ്പല്ല ലക്ഷ്​​ൺ റാവു, മല്ലരാജ റെഡ്​ഡഢി തുടങ്ങിയവരുടെ പേരുകൾക്കൊപ്പമാണ്​ കെ. മുരളിയുടെ പേരുള്ളത്​. ‘മറ്റ്​ നേതാക്കൾ’ എന്ന വിഭാഗത്തിലാണ്​ സേതുനാഥി​ൻ്റ ഉൾപ്പടെയുള്ള പേരുകളുള്ളത്​. ബഹുജന സംഘടനകളയുടെ നേതാക്കൾ എന്ന്​ വിശേഷിപ്പിച്ച്​ തെലങ്കാനയിലെ ചിലരുടെ പേരുകളും പ്രതിപ്പട്ടികയിലുണ്ട്​.