ഫ്രാന്‍സിസ് ജോര്‍ജിന് കെട്ടിവെക്കാനുള്ള തുക ഉമ്മന്‍ ചാണ്ടിയുടെ കുടുംബം നല്‍കി; പണം കൈമാറിയത് മറിയാമ്മ; ഉമ്മന്‍ ചാണ്ടിയുടെ ഓര്‍മ്മകള്‍ കരുത്താകുമെന്ന് യുഡിഎഫ് സ്ഥാനാര്‍ത്ഥി
കോട്ടയം: കോട്ടയം യുഡിഎഫ് സ്ഥാനാര്‍ത്ഥി അഡ്വ.കെ.ഫ്രാന്‍സിസ് ജോര്‍ജിന് കെട്ടിവെക്കാനുള്ള പണം ഉമ്മന്‍ ചാണ്ടിയുടെ കുടുംബം നല്‍കി. ഉമ്മന്‍ചാണ്ടിയുടെ ഭാര്യ മറിയാമ്മ ഉമ്മനാണ് ലോക്സഭാ സ്ഥാനാര്‍ത്ഥിക്ക് പണം കൈമാറിയത്. ഫ്രാന്‍സിസ് ജോര്‍ജിന് കുടുംബം വിജയാശംസകള്‍ നേര്‍ന്നു.പുതുപ്പള്ളി പള്ളിയിലെത്തിയ ഫ്രാന്‍സിസ് ജോര്‍ജ് ഉമ്മന്‍ ചാണ്ടിയുടെ ഖബറിടത്തിലെത്തി പ്രാർഥിച്ചു.
ഉമ്മന്‍ ചാണ്ടിയുടെ ഓര്‍മ്മകള്‍ കരുത്താകുമെന്നും വ്യാഴാഴ്ച്ച നാമനിര്‍ദ്ദേശപത്രിക സമര്‍പ്പിക്കുമെന്നും ഫ്രാന്‍സിസ് ജോര്‍ജ് പറഞ്ഞു. തെരഞ്ഞെടുപ്പ് പ്രചാരണാര്‍ത്ഥം കോട്ടയത്തെ ഏഴ് അസംബ്ലി നിയോജക മണ്ഡലങ്ങളിലും ഇന്ന് മുതല്‍ ആറ് വരെ റോഡ് ഷോ സംഘടിപ്പിക്കും.
ഒരു ദിവസം രണ്ട് മണ്ഡലങ്ങള്‍ കേന്ദ്രീകരിച്ചാണ് റോഡ് ഷോ. ആദ്യദിനത്തില്‍ രാവിലെ വൈക്കത്തും ഉച്ചകഴിഞ്ഞ് പിറവത്തുമാണ് റോഡ് ഷോ നടക്കുക.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
