ബജറ്റില്‍ കേന്ദ്രം ‘പാലം’ വലിച്ചു; കേരളത്തിന് കടുത്ത നിരാശ

ബീഹാറിന് കണ്ണുംപൂട്ടി സഹായം നല്‍കിയ കേന്ദ്രം കേരളത്തെ പേരിനുപോലും പരിഗണിച്ചില്ല. വിഴിഞ്ഞം തുറമുഖത്തിനും വയനാട് ദുരന്തത്തിനുമായി പ്രത്യേക പാക്കേജ് നല്‍കുമെന്ന് പ്രതീക്ഷയുണ്ടായിരുന്നെങ്കിലും ഒന്നും സംഭവിച്ചില്ല. 24000 കോടിയുടെ സമഗ്ര പാക്കേജ് കേരളം മുന്നോട്ട് വച്ചെങ്കിലും പൂര്‍ണമായ അവഗണനയാണ് ലഭിച്ചത്. വിഴിഞ്ഞത്തിനും കേരളം അയ്യായിരം കോടി ചോദിച്ചിരുന്നു. എല്ലാത്തിലും നിരാശയായി.

എത്രയോ മുന്‍പ് തന്നെ പറഞ്ഞുകേള്‍ക്കുന്നതാണെങ്കിലും എയിംസ് ഇതുവരെ കേരളത്തിന് ലഭിച്ചിട്ടില്ല. റെയില്‍വേ വികസനവും തിരിനീട്ടിയില്ല. റെ​യി​ല്‍​വേ കോ​ച്ച് നി​ര്‍​മാ​ണ​ശാ​ല മുന്‍പ് തന്നെ കേരളത്തിന് നല്‍കും എന്ന് വാഗ്ദാനമുണ്ടായിരുന്നു. എന്നാല്‍ ഈ ​ബ​ജ​റ്റി​ലും പരാമര്‍ശമുണ്ടായില്ല. കാര്‍ഷിക മേഖലയെയും അവഗണിച്ചു.

കേ​ര​ള​ത്തി​ന്‍റെ പ്ര​ധാ​ന ആ​വ​ശ്യ​ങ്ങള്‍ ഒന്നാകെ നി​രാ​ക​രി​ച്ച കേ​ന്ദ്ര ബ​ജ​റ്റി​ലെ സ​മീ​പ​നം അ​ങ്ങേ​യ​റ്റം പ്ര​തി​ഷേ​ധാ​ര്‍​ഹ​മാ​ണെ​ന്നും മു​ഖ്യ​മ​ന്ത്രി പി​ണ​റാ​യി വി​ജ​യന്‍ പ്രതികരിച്ചു. “കേ​ര​ള​ത്തി​ന്‍റെ പ്ര​തീ​ക്ഷ​ക​ള്‍​ക്കെ​തി​രാ​യ അ​വ​ഗ​ണ​ന​യു​ടെ രാ​ഷ്ട്രീ​യ രേ​ഖ​യാ​യി മാ​റി ​ബ​ജ​റ്റ്. അ​ങ്ങേ​യ​റ്റം നി​രാ​ശാ​ജ​ന​ക​മാ​ണി​ത്. ദൗ​ര്‍​ഭാ​ഗ്യ​ക​ര​മാ​ണി​ത്. തി​ര​ഞ്ഞ​ടു​പ്പ് എ​വി​ടെ​ എ​ന്നു നോ​ക്കി അ​വി​ട​വി​ടെ കേ​ന്ദ്രീ​ക​രി​ക്കു​ന്ന രാ​ഷ്ട്രീ​യ സ​മീ​പ​ന​മാ​ണ് ബ​ജ​റ്റി​ല്‍ ക​ണ്ട​ത്.” – മുഖ്യമന്ത്രി പറഞ്ഞു.

വയനാടിന് പോലും സഹായം നല്‍കാത്ത ബജറ്റ് നിരാശാജനകവും പ്രതിഷേധാർഹവുമാണെന്ന് ധനമന്ത്രി കെ.എൻ. ബാലഗോപാൽ പറഞ്ഞു. “എല്ലാ സംസ്ഥാനങ്ങളെയും ഒരുപോലെ പരിഗണിക്കണമായിരുന്നു. ആകാശത്ത് നിന്ന് നോട്ടെടുക്കാന്‍ കഴിയില്ലല്ലോ. തരേണ്ടത് തന്നേ പറ്റൂ.” -മന്ത്രി പറഞ്ഞു.