ഹാത്രസ് ദുരന്തം; മുഖ്യപ്രതി കീഴടങ്ങി; ഭോ​ലെ ബാ​ബയ്ക്കായി തിരച്ചില്‍

ഉ​ത്ത​ർ​പ്ര​ദേ​ശി​ലെ ഹാത്രസില്‍ സത്സംഗത്തിനിടെയുണ്ടായ തി​ക്കി​ലും തി​ര​ക്കി​ലും പെ​ട്ട് 121 പേര്‍ മരിച്ച കേസില്‍ മു​ഖ്യ​പ്ര​തി കീ​ഴ​ട​ങ്ങി. ദേ​വ് പ്ര​കാ​ശ് മ​ധു​കാ​റി​നെയാണ് യുപി പോലീസ് അറസ്റ്റ് ചെയ്തത്. ദുരന്തത്തിന് ശേഷം ഇയാള്‍ ഒളിവിലായിരുന്നു.

ഉ​ത്ത​ർ​പ്ര​ദേ​ശ്, രാ​ജ​സ്ഥാ​ൻ, ഹ​രി​യാ​ന എന്നിങ്ങനെ പോലീസ് തിരച്ചില്‍ വ്യാപിപ്പിക്കുമ്പോഴാണ് പ്രതി ഡ​ൽ​ഹി​യി​ൽ കീ​ഴ​ട​ങ്ങി​യ​ത്. സ​മ്മേ​ള​ന​ത്തി​ന്‍റെ സം​ഘാ​ട​ക​രാ​യ ര​ണ്ട് വ​നി​ത​ക​ൾ ഉ​ൾ​പ്പ​ടെ ആ​റു​പേ​രെ നേ​ര​ത്തെ പോ​ലീ​സ് അ​റ​സ്റ്റ് ചെ​യ്തി​രു​ന്നു.

സത്സംഗിന് നേ​തൃ​ത്വം ന​ൽ​കി​യ നാ​രാ​യ​ൺ സ​ക​ർ വി​ശ്വ​ഹ​രി ഭോ​ലെ ബാ​ബ ഒ​ളി​വി​ലാ​ണെ​ന്നും ഇ​യാ​ളെ ക​ണ്ടെ​ത്താ​ൻ അ​ന്വേ​ഷ​ണം ഊ​ർ​ജി​ത​മാ​ക്കി​യ​താ​യും പോലീസ് പറഞ്ഞു. എഫ്ഐആറിൽ ഭോലെ ബാബയുടെ പേര് ഉൾപ്പെടുത്തിയിട്ടില്ല. ഇത് വിവാദമായി തുടരുകയാണ്.