യുഎസ് പ്രസിഡന്റായി ട്രം​പ് നാളെ അധികാരമേല്‍ക്കും; അതിശൈത്യം; ചടങ്ങ് ക്യാ​പി​റ്റോ​ൾ മ​ന്ദി​ര​ത്തിനുള്ളില്‍

അ​മേ​രി​ക്ക​യു​ടെ 47-ാമ​ത് പ്ര​സി​ഡ​ന്‍റാ​യി ഡോ​ണ​ൾ‍​ഡ് ട്രം​പ് തി​ങ്ക​ളാ​ഴ്ച അധികാരമേല്‍ക്കും. ഇത് ട്രംപിന്റെ രണ്ടാം ഊഴമാണ്. ക്യാ​പി​റ്റോ​ൾ മ​ന്ദി​ര​ത്തിനുള്ളിലാണ് ചടങ്ങ് നടക്കുക. അതിശൈത്യം കാരണമാണ് ഈ രീതിയിലുള്ള മാറ്റം.

നിലവില്‍ മൈനസ് 6 സെൽഷ്യസിലേക്ക് താപനില താണിട്ടുണ്ട്. നേ​ര​ത്തെ തു​റ​ന്ന വേ​ദി​യി​ൽ സ്ഥാ​നാ​രോ​ഹ​ണ ച​ട​ങ്ങു​ക​ൾ ന​ട​ത്താ​നാ​യി​രു​ന്നു തീ​രു​മാ​നി​ച്ചി​രു​ന്ന​ത്. 1985ൽ റൊണാൾഡ് റെയ്ഗന്റെ സ്ഥാനാരോഹണമാണ് ഇതിനു മുൻപ് അകത്തെ വേദിയില്‍ നടത്തിയിട്ടുള്ളത്. ഇ​ന്ന് ഉ​ച്ച​ക​ഴി​ഞ്ഞ് മൂ​ന്നി​ന് കാ​പി​റ്റോ​ൾ അ​രീ​ന​യി​ൽ വി​ക്‌​ട​റി പ​രേ​ഡ് സം​ഘ​ടി​പ്പി​ച്ചി​ട്ടു​ണ്ട്.

ഇ​ന്ത്യ​യി​ൽ നി​ന്ന് വി​ദേ​ശ​കാ​ര്യ​മ​ന്ത്രി എ​സ്.ജ​യ​ശ​ങ്ക​ർ ച​ട​ങ്ങി​ൽ കേ​ന്ദ്ര സ​ർ​ക്കാ​രി​നെ പ്ര​തി​നി​ധീ​ക​രി​ച്ച് പ​ങ്കെ​ടു​ക്കും. ച​ട​ങ്ങി​നോ​ട​നു​ബ​ന്ധി​ച്ച് ആ​രം​ഭി​ച്ച വി​വി​ധ ആ​ഘോ​ഷ​പ​രി​പാ​ടി​ക​ൾ നാ​ളെ​വ​രെ തു​ട​രും.

യുഎസ് പ്രസിഡന്റായുള്ള ജോ ബൈഡന്റെ വിജയം കഴിഞ്ഞ തവണ ട്രംപ് അംഗീകരിച്ചിരുന്നില്ല. അതിനാല്‍ ബൈഡന് ചായ സല്‍ക്കാരം പ്രസിഡന്റ് ആയിരുന്ന ട്രംപ് നടത്തിയില്ല. എന്നാല്‍ ബൈഡന്‍ ട്രംപിന് ചായ സല്‍ക്കാരം ഒരുക്കുന്നുണ്ട്‌. ക്യാപ്പിറ്റോളിലേക്കുള്ള ട്രംപിന്റെ യാത്രയിൽ പങ്കുചേരുന്നുമുണ്ട്.