സുരേഷ് ഗോപിക്കെതിരെയുള്ള വാഹന രജിസ്ട്രേഷന്‍ കേസില്‍ വിചാരണ ഇന്ന്; പുതുച്ചേരി വ്യാജവിലാസത്തില്‍ രജിസ്റ്റര്‍ ചെയ്തത് രണ്ട് ആഡംബര കാറുകള്‍; 30 ലക്ഷത്തിന്‍റെ നികുതി നഷ്ടമെന്ന് കണ്ടെത്തല്‍

കൊ​ച്ചി: ന​ട​നും ബി​ജെ​പി നേ​താ​വു​മാ​യ സു​രേ​ഷ് ഗോ​പി​ക്കെ​തി​രെ​യു​ള്ള വാ​ഹ​ന ര​ജി​സ്ട്രേ​ഷ​ൻ കേ​സി​ൽ വി​ചാ​ര​ണ ഇ​ന്ന് ആ​രം​ഭി​ക്കും. വാഹന നി​കു​തി വെ​ട്ടി​ച്ച കേ​സി​ലാ​ണ് വി​ചാ​ര​ണ. ജ​ന​പ്ര​തി​നി​ധി​ക​ൾ​ക്കു​ള്ള എ​റ​ണാ​കു​ള​ത്തെ പ്ര​ത്യേ​ക കോ​ട​തി​യി​ലാ​ണ് വി​ചാ​ര​ണ ന​ട​ക്കു​ന്നത്.

വ്യാ​ജ വി​ലാ​സം ഉ​പ​യോ​ഗി​ച്ച് പു​തുച്ചേ​രി​യി​ല്‍ വാ​ഹ​നം ര​ജി​സ്റ്റ​ർ ചെ​യ്ത് നി​കു​തി വെ​ട്ടി​ച്ചു​വെ​ന്നാ​ണ് കേ​സ്. 2010, 2016 വ​ർ​ഷ​ങ്ങ​ളി​ലാ​യി ര​ണ്ട് ആ​ഡം​ബ​ര കാ​റു​ക​ളാ​ണ് സു​രേ​ഷ് ഗോ​പി പു​തുച്ചേ​രി​യി​ലെ വ്യാ​ജ മേ​ൽ​വി​ലാ​സം ഉ​പ​യോ​ഗി​ച്ച് ര​ജി​സ്റ്റ​ർ​ചെ​യ്ത​ത്. കേരളത്തിന് 30 ല​ക്ഷം രൂ​പ​യു​ടെ നി​കു​തി ന​ഷ്ടം ഉ​ണ്ടാ​യെ​ന്ന് ക്രൈംബ്രാ​ഞ്ച് ക​ണ്ടെ​ത്തി​യി​രു​ന്നു. കേ​സ് റ​ദ്ദാ​ക്ക​ണ​മെ​ന്ന സു​രേ​ഷ് ഗോ​പി​യു​ടെ ആ​വ​ശ്യം കോ​ട​തി നേ​ര​ത്തെ ത​ള്ളി​യി​രു​ന്നു.

നികുതിവെട്ടിക്കുകയെന്ന ഉദ്ദേശ്യത്തോടെ പുതുച്ചേരിയിൽ ഇല്ലാത്ത മേൽവിലാസത്തിൽ വ്യാജരേഖയുണ്ടാക്കി സംസ്ഥാന സർക്കാരിലേക്ക് അടയ്ക്കേണ്ട നികുതിപ്പണം വെട്ടിച്ചെന്നാണു കുറ്റപത്രത്തിലെ ആരോപണം.

പുതുച്ചേരി ചാവടിയിലെ കാര്‍ത്തിക അപ്പാര്‍ട്ട്‌മെന്റില്‍ വാടകയ്ക്ക് താമസിക്കുന്നുവെന്ന് വ്യാജ വിലാസമുണ്ടാക്കിയാണ് വാഹനങ്ങള്‍ സുരേഷ് ഗോപി രജിസ്റ്റര്‍ ചെയ്തതെന്നായിരുന്നു ക്രൈംബ്രാഞ്ച് കണ്ടെത്തല്‍. അതേസമയം കേസില്‍ മുന്‍പ് തന്നെ നടന് കോടതി ജാമ്യം അനുവദിച്ചിരുന്നു.