തിരഞ്ഞെടുപ്പ് ചട്ടം ലംഘിച്ചതിന് അന്‍വറിനെതിരെ നടപടി; കേസ് എടുക്കാന്‍ നിര്‍ദേശം

ചേലക്കരയില്‍ തിരഞ്ഞെടുപ്പ് പെരുമാറ്റച്ചട്ടം ലംഘിച്ച് വാർത്താസമ്മേളനം നടത്തിയ സംഭവത്തിൽ പി.വി.അൻവറിനെതിരെ കേസ് എടുക്കും. അന്‍വറിനെതിരെ എഫ്ഐആർ ഇടാൻ റിട്ടേണിങ് ഓഫീസർക്ക് തൃശ്ശൂർ ജില്ലാ കളക്ടര്‍ നിര്‍ദേശം നല്‍കി.

അന്‍വര്‍ തിരഞ്ഞെടുപ്പ് പെരുമാറ്റച്ചട്ടം ലംഘിച്ചെന്ന് ചൂണ്ടിക്കാട്ടി തി​ര​ഞ്ഞെ​ടു​പ്പ്​ ക​മ്മി​ഷ​ൻ ഫ്ല​യി​ങ്​ സ്ക്വാ​ഡ്​ എക്സിക്യൂട്ടീവ് മജിസ്ട്രേറ്റ് എം.സി.വിവേക് നൽകിയ റിപ്പോർട്ടിന്റെ അടിസ്ഥാനത്തിലാണ് നടപടി.

ഇന്ന് രാ​വി​ലെ ചേ​ല​ക്ക​ര​യി​ലെ ഹോ​ട്ട​ലി​ലായിരുന്നു ​ നാ​ട​കീ​യ രം​ഗങ്ങള്‍. മുഖ്യമന്ത്രിക്കും സിപിഎമ്മിനും എതിരെയാണ് അന്‍വര്‍ വാര്‍ത്താസമ്മേളനം നടത്തിയത്. ചേലക്കരയില്‍ സിപിഎം പണം ഒഴുക്കുന്നു എന്നായിരുന്നു അൻവറിന്റെ ആക്ഷേപം.

നിശബ്ദ പ്രചാരണത്തിനിടെ വാർത്താസമ്മേളനം നടത്താനാകില്ലെന്ന് ചൂണ്ടിക്കാട്ടി എത്തിയ ഉദ്യോഗസ്ഥനെ അൻവർ തിരിച്ചയക്കുകയായിരുന്നു. ചട്ടം ലംഘിച്ചതിന് അൻവറിന് നോട്ടിസ് നൽകിയ ശേഷമാണ് ഉദ്യോഗസ്ഥർ മടങ്ങിയത്.