സർക്കാർ വാക്ക് പാലിക്കാത്തതിനാൽ ഗൃഹനാഥൻ ജീവനൊടുക്കി; മൃതദേഹവുമായി പ്രതിഷേധിക്കാൻ നാട്ടുകാർ

വി​ട്ടു​​കൊ​ടു​ത്ത ഭൂ​മി​ക്ക് നഷ്ടപരിഹാരം ലഭിക്കാത്തതിനാൽ ഗൃഹനാഥൻ ആത്മഹത്യ ചെയ്തു. കിളിമാനൂർ സ്വദേശി കെവി ഗിരിയെയാണ് തൂങ്ങി മരിച്ച നിലയിൽ കണ്ടെത്തിയത്. വി​ഴി​ഞ്ഞം-​നാ​വാ​യി​ക്കു​ളം ഔ​ട്ട​ർ റി​ങ് റോ​ഡി​ന് ഇദ്ദേഹം 2023ൽ തൻ്റെ ഭൂ​മി വി​ട്ടു​ന​ൽ​കിയിരുന്നു. എന്നാൽ നഷ്ടപരിഹാര തുക ഇതുവരെ ലഭിച്ചിരുന്നില്ല. മകളുടെ ​​ വിവാഹം കഴിഞ്ഞതോടെ കടുത്ത സാമ്പത്തിക പ്രതിസന്ധിയിലായിരുന്നു ഗിരി. സാമ്പത്തിക ബാധ്യതകൾ മറികടക്കാൻ നഷ്ടപരിഹാര തുക ഉപയോഗിക്കാം എന്ന കണക്കുകൂട്ടലിലായിരുന്നു അദ്ദേഹം. എന്നാൽ നഷ്ടപരിഹാര തുക ലഭിക്കാത്തതിനാൽ അതിന് കഴിഞ്ഞിരുന്നില്ല. അതിൽ മനംനൊന്താണ് ഗൃഹനാഥൻ ജീവനൊടുക്കിയതെന്ന് പ്രദേശവാസികള്‍ പറഞ്ഞു.

ഉ​ട​ൻ ന​ഷ്ട​പ​രി​ഹാ​ര​ത്തു​ക ല​ഭി​ക്കു​മെ​ന്ന​ അ​ധി​കൃ​ത​ർ നൽകിയ ഉ​റ​പ്പ്​ ലംഘിച്ചതാണ് ഗിരിയുടെ ജീവൻ നഷ്ടപ്പെടാൻ കാരണമെന്ന് നാട്ടുകാർ ആരോപിച്ചു. ഇന്ന് മൂന്ന് മണിക്ക് ശേഷം കിളിമാനൂര്‍ സ്പെഷ്യൽ തഹൽസീൽദാര്‍ ഓഫീസിന് മുന്നിൽ മൃതദേഹവുമായി പ്രതിഷേധിക്കുമെന്ന് വിഴിഞ്ഞം-നാവായിക്കുളം റിങ് റോഡ് ജനകീയ സമരസമിതി കിളിമാനൂർ വില്ലേജ് കൺവീനർ ഷിബു കുമാർ മാധ്യമ സിൻഡിക്കറ്റിനോട് പറഞ്ഞു.

അധികൃതർ വാക്കുപാലിക്കാത്തതോടെ കടുത്ത പ്രതിന്ധിയിലൂടെയാണ് ഭൂമി വിട്ടുനൽകിയവർ കടന്നുപോകുന്നതെന്ന് നാട്ടുകാർ പറഞ്ഞു. തുക ഉടൻ ലഭിക്കുമെന്ന വിശ്വാസത്തിൽ ഭൂമിയും വീടും ന​ഷ്ട​പ്പെ​ടു​ന്ന പ​ല​രും പ​ലി​ശ​ക്ക്​ ക​ട​മെ​ടു​ത്ത് വ​സ്‌​തു​വും വീ​ടും വാ​ങ്ങാ​ൻ മു​ൻ​കൂ​ർ തു​ക ന​ൽ​കി. ക​രാ​ർ കാ​ലാ​വ​ധി​ക്കു​ള്ളി​ൽ ഇ​ട​പാ​ട് നടക്കാ​ത്ത​തി​നാ​ൽ പ​ല​രും ക​ട​ക്കെ​ണി​യി​ൽ പെ​ട്ടതായും നാട്ടുകാർ ആരോപിക്കുന്നു.

ന​ഷ്ട​പ​രി​ഹാ​ര​വു​മാ​യി ബ​ന്ധ​പ്പെ​ട്ട്​ മാ​സ​ങ്ങ​ളോ​ളം അ​ധി​കൃ​ത​രി​ൽ​നി​ന്ന്​ വി​ശ​ദീ​ക​ര​ണ​മൊ​ന്നും ല​ഭി​ച്ചി​ല്ല. എന്നാൽ ഇക്കഴിഞ്ഞ ആഗസ്റ്റിൽ നഷ്ട പരിഹാരം സം​ബ​ന്ധി​ച്ച മാ​ന​ദ​ണ്ഡ​ങ്ങ​ളു​ടെ വി​ശ​ദാം​ശം പു​റ​ത്തു​വ​ന്നിരുന്നു. കു​റ​ഞ്ഞ തു​ക മാ​ത്ര​മേ ല​ഭി​ക്കൂ എന്നാണ് അധികൃതർ വ്യക്തമാക്കിയത്. ന്യായമായതുക നൽകാമെന്ന് ഉറപ്പ് പറഞ്ഞ് അധികൃതർ വഞ്ചിച്ചതായും ഭൂമി വിട്ടു നൽകിയവർ പറഞ്ഞു. ഇതിനെതിരെ പ്രക്ഷോഭവുമായി ജനകീയ സമരസമിതി രംഗത്തിറങ്ങാനിരിക്കെയാണ് ഗിരി ജീവനൊടുക്കിയതെന്നും നാട്ടുകാര്‍ വ്യക്തമാക്കി.