വോട്ടെടുപ്പിനിടെ ഇവിഎമ്മില്‍ തകരാര്‍; ചില ബൂത്തുകളില്‍ പോളിങ് തടസപ്പെട്ടു
ഉപതെരഞ്ഞെടുപ്പ് നടക്കുന്ന വയനാട്ടിലും ചേലക്കരയിലും ചില ബൂത്തുകളില്‍ വോട്ടിങ് യന്ത്രത്തില്‍ തകരാര്‍. ഈ ബൂത്തുകളില്‍ വോട്ടിങ് തടസപ്പെട്ടിട്ടുണ്ട്. വയനാട്ടിലെ 117-ാം ബൂത്തിൽ വോട്ടിങ് തടസപ്പെട്ടു. രണ്ട് പേർ വോട്ട് രേഖപ്പെടുത്തിയതിന് പിന്നാലെയാണ് ഇവിഎമ്മില്‍ പ്രശ്നം തുടങ്ങിയത്.
ചേലക്കര തിരുവില്വാമല പാമ്പാടി സ്‌കൂളില്‍ 116-ാം നമ്പര്‍ ബൂത്തിലും മെഷീനിന് പ്രശ്നം സംഭവിച്ചു. ഇവിടെ വോട്ടിങ് യന്ത്രം മാറ്റേണ്ടി വന്നേക്കും. തിരുവമ്പാടിയില്‍ രണ്ടിടത്ത് വോട്ടിങ് മെഷീനിൽ തകരാറുണ്ടായി. അഗസ്ത്യമുഴിയിലെ 117-ാം നമ്പർ ബൂത്തിലും ഇവിഎം തകരാറായി. ഇവിടെ ബാറ്ററി മാറ്റി വോട്ടെടുപ്പ് പുനരാരംഭിച്ചു. ചെറുതുരുത്തി ഹയർ സെക്കന്ററി സ്കൂളിൽ 31-ാം ബൂത്തില്‍ വോട്ടിങ് ആരംഭിച്ചതിന് പിന്നാലെ ഇവിഎം തകരാറായി.
വോട്ടെടുപ്പ് വൈകിട്ട് ആറിന് അവസാനിക്കും. പോളിങ് ബൂത്തുകളില്‍ രാവിലെ തന്നെ നീണ്ട നിരയുണ്ട്. ആവേശകരമായി തന്നെയാണ് തിരഞ്ഞെടുപ്പിനെ ജനങ്ങള്‍ സമീപിക്കുന്നതെന്ന് ഇതിന്റെ സൂചനയാണ്.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
