പു​ഞ്ചി​രി​മ​ട്ട​ത്ത് ജ​ന​വാ​സം സാ​ധ്യ​മ​ല്ലെ​ന്ന് വിദഗ്ധസംഘം; ചൂരല്‍മലയിലെ നിര്‍മാണം സര്‍ക്കാരിനു തീരുമാനിക്കാം

വ​യ​നാ​ട് ഉ​രു​ൾ​പൊ​ട്ട​ൽ ദു​ര​ന്ത​മു​ണ്ടാ​യ പു​ഞ്ചി​രി​മ​ട്ട​ത്ത് ഇ​നി ജ​ന​വാ​സം സാ​ധ്യ​മ​ല്ലെ​ന്ന് ദേശീയ ഭൗമശാസ്ത്രപഠന കേന്ദ്രത്തിലെ അഞ്ചംഗ വിദഗ്ധസംഘം. ചൂ​ര​ൽ​മ​ല ഭാ​ഗ​ത്ത് ഭൂ​രി​ഭാ​ഗം സ്ഥ​ല​ങ്ങ​ളും വാസ​യോ​ഗ്യ​മാ​ണ്. ഇ​വി​ടെ ഇ​നി നി​ർ​മാ​ണ പ്ര​വ​ർ​ത്ത​നം വേ​ണോ എ​ന്നതില്‍ സ​ർ​ക്കാരിനു നയപരമായ തീരുമാനം എടുക്കാമെന്നും ഇവര്‍ വ്യക്തമാക്കി. പുഞ്ചി​രി​മ​ട്ടം മു​ത​ൽ ചൂ​ര​ൽ​മ​ല വ​രെ പ​രി​ശോ​ധ​ന ന​ട​ത്തി​യ ശേ​ഷ​മാ​ണ് സം​ഘ​ത്തി​ന്‍റെ പ്ര​തി​ക​ര​ണം. ഭൗ​മ​ശാ​സ്ത്ര പ​ഠ​ന​കേ​ന്ദ്ര​ത്തി​ലെ മു​തി​ർ​ന്ന ശാ​സ്ത്ര​ജ്ഞ​നാ​യ ഡോ. ജോ​ണ്‍ മ​ത്താ​യി​യു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ​രി​ശോ​ധ​ന​യ്ക്കാ​യി എത്തിയത്.

“അതിതീവ്രമഴയാണ് ഉ​രു​ൾ​പൊ​ട്ട​ൽ മേ​ഖ​ല​യി​ൽ പെ​യ്ത​ത്. എ​ട്ട് കി​ലോ​മീ​റ്റ​ർ ദൂ​ര​ത്തി​ൽ ദു​ര​ന്ത​മു​ണ്ടാകാ​ൻ കാ​ര​ണം അ​ണ​ക്കെ​ട്ട് പ്ര​തി​ഭാ​സം മൂലമാണ്. കനത്തമഴയില്‍ സീ​ത​മ്മ ക്കുണ്ടില്‍ വെള്ളം അ​ടി​ഞ്ഞ് താ​ത്കാ​ലി​ക ഡാം ഉണ്ടായി. സം​ഭ​ര​ണി പൊ​ട്ടിയപ്പോള്‍ അതിന്റെ ആഘാതം കനത്തതായി. ഒ​രു സ്ഥ​ല​ത്ത് ഉ​രു​ൾ പൊ​ട്ടി​യാ​ൽ വീ​ണ്ടും ഉരുളിന് സാ​ധ്യ​ത​യി​ല്ല. പ്ര​ദേ​ശ​ത്ത് നി​ല​നി​ൽ​ക്കു​ന്ന വീ​ടു​ക​ളി​ൽ ദീ​ർ​ഘ നാ​ള​ത്തേ​ക്ക് ജ​ന​വാ​സം സാ​ധ്യ​മ​ല്ല.” – വി​ദ​ഗ്ധ സം​ഘം വ്യ​ക്ത​മാ​ക്കി. റിപ്പോര്‍ട്ട് സര്‍ക്കാരിന് കൈമാറും.