കേരളത്തില്‍ ഇന്ന് മഴയ്ക്ക് സാധ്യത; തിരുവനന്തപുരം, കൊല്ലം, പത്തനംതിട്ട ജില്ലകളിൽ യെല്ലോ അലർട്ട്; കേരള, ലക്ഷദ്വീപ് തീരത്ത് മത്സ്യബന്ധനത്തിന് വിലക്ക്

തിരുവനന്തപുരം: കേരളത്തില്‍ ഇന്നും മഴ തുടരാന്‍ സാധ്യത. പല ജില്ലകളിലും ഒറ്റപ്പെട്ട മഴ ലഭിക്കും. തെക്കൻ കേരളത്തിലാണ് മഴ മുന്നറിയിപ്പ് ഉള്ളത്. തിരുവനന്തപുരം, കൊല്ലം, പത്തനംതിട്ട ജില്ലകളിൽ ഇന്ന് യെല്ലോ അലർട്ടാണ്. കേരള, ലക്ഷദ്വീപ് തീരത്ത് മത്സ്യബന്ധനത്തിന് വിലക്കുണ്ട്.

അടുത്ത ദിവസങ്ങളിലും മഴ തുടരും. മഴ ഉറപ്പിച്ച് ചക്രവാകച്ചുഴികള്‍ നിലയുറപ്പിച്ചിട്ടുണ്ട്. ഇതിന്റെ സ്വാധീനഫലമായാണ് മഴ ശക്തമാകുന്നത്. ശനിയാഴ്ചയോടെ തെക്കൻ ആൻഡമാൻ കടലിലേക്ക് കാലവർഷം എത്തിയേക്കും.

മഴ സമയത്ത് ഇത്രയും കാര്യങ്ങള്‍ ശ്രദ്ധിക്കണം. പ്രധാന റോഡുകളിലെ വെള്ളക്കെട്ട് അപകടത്തിന് ഇടയാക്കും. താഴ്ന്ന പ്രദേശങ്ങളിലും നദീതീരങ്ങളിലും വെള്ളപ്പൊക്ക സാധ്യതയുണ്ട്. ഉരുൾപൊട്ടലിനും മണ്ണിടിച്ചിലിനും സാധ്യതയുണ്ട്. അത്യാവശ്യമല്ലാത്ത യാത്രകൾ ഒഴിവാക്കി സുരക്ഷിത മേഖലകളിൽ തുടരാനാണ് നിര്‍ദേശം.