നാല് ക്ഷേമ പെൻഷനുകൾ ഉയർത്തി സർക്കാർ

തിരുവനന്തപുരം: സംസ്ഥാനത്തെ നാലിനം ക്ഷേമ പെൻഷനുകൾ 1600 രൂപയാക്കി ഉയർത്താൻ തീരുമാനിച്ചെന്ന് ധനമന്ത്രി കെ എൻ ബാലഗോപാൽ. വിശ്വകർമ്മ വിഭാഗത്തിൽപ്പെട്ടവർക്കും , സർക്കസ്‌ കലാകാരന്മാർക്കും , അവശകായികതാരങ്ങൾക്കും , അവശകലാകാരന്മാർക്കും നൽകുന്ന പെൻഷൻ തുകകളാണ്‌ ഉയർത്തിയത്‌.

നിലവിൽ അവശകലാകാരന്മാർക്ക് 1000 രൂപയും അവശകായികതാരങ്ങൾക്ക്‌ 1300 രൂപയും, സർക്കസ്‌ കലാകാരന്മാർക്ക് 1200 രുപയും, വിശ്വകർമ്മ വിഭാഗത്തിൽപ്പെട്ടവർക്ക് 1400 രൂപയുമാണ്‌ ലഭിക്കുന്നത്. ഇതാണ് ഇനിമുതൽ 1600 രൂപയാക്കി നൽകാൻ തീരുമാനിച്ചത്.