‘ഒരു സ്ത്രീയെ ബലമായി പുരുഷൻ ഉമ്മ വച്ചിരുന്നെങ്കിൽ…’ ഒളിമ്പിക്സ് സമാപന ചടങ്ങിലെ ചുംബന വീഡിയോ ചര്‍ച്ചയാവുന്നു

പാരീസ് ഒളിമ്പിക്‌സ് സമാപന ചടങ്ങിനിടയിൽ ഹോളിവുഡ് സൂപ്പർതാരം ടോം ക്രൂയിസിനെ ആരാധിക കെട്ടിപിടിച്ച് ഉമ്മവെച്ച സംഭവം വിവാദത്തിൽ. ആരാധകർക്ക് ഹസ്തദാനം നൽകി സ്റ്റേഡിയത്തിന് പുറത്തേക്ക് ഇറങ്ങുന്നതിനിടയിൽ താരത്തെ അപ്രതീക്ഷിതമായി ആരാധിക ചുംബിക്കുകയായിരുന്നു. ഇതിൻ്റെ വീഡിയോ സമൂഹ മാധ്യമങ്ങളിൽ വൈറലായതാണ് വിവാദങ്ങൾക്ക് തിരികൊളുത്തിയത്.

സംഭവത്തിൽ സ്ത്രീയെ വിമർശിച്ച് നിരവധിപ്പേരാണ് രംഗത്തെത്തി. വനിതാ സെലിബ്രിറ്റിയോട് ആരാധകനാണ് ഇത് ചെയ്തിരുന്നെങ്കിൽ അയാളോട് സമൂഹ മാധ്യമങ്ങൾ ഇത്ര ദയ കാണിക്കുമായിരുന്നോ എന്ന വിമര്‍ശനവുമായി നിരവധിപ്പേർ രംഗത്തെത്തി.

ആരാധിക അനുവാദം വാങ്ങിയ ശേഷമാണോ ചുംബിച്ചത്. ഒരു വനിതയെ ഒരു പുരുഷനായിരുന്നു ഉമ്മ വെച്ചിരുന്നെങ്കിൽ ജീവനോടെ ചുട്ടുകൊല്ലാൻ ആളുകൾ അയാളെക്കുറിച്ചുള്ള എല്ലാ വിവരങ്ങളും അന്വേഷിക്കുമായിരുന്നു എന്നൊക്കെയുള്ള വിമർശനങ്ങളാണ് ആളുകൾ ഉയർത്തുന്നത്.